सोमेश्वर रिपोर्टर टीम-----
भोर : संतोष म्हस्के
छत्रपती शिवाजी महाराज यांनी स्वराज्याची शपथ घेतलेल्या किल्ले रायरेश्वर ता.भोर येथे आमदार शंकर मांडेकर यांच्या पुढाकारातून शिवजयंतीचे औचित्य साधून रायरेश्वर पठारावर ४० फूट उंचीच्या भगव्या ध्वजाचे अनावरण करण्यात आले.
पवित्र भूमीत उभारलेला भगवा ध्वज स्वराज्याच्या गौरवशाली इतिहासाची आठवण करून देतो. मावळ्यांच्या साथीने हा सोहळा घडवून आणण्याचा सन्मान मिळाल्याचे परम भाग्य मिळाल्याची भावना आमदार शंकर मांडेकर यांनी यावेळी व्यक्त केली.
ध्वज उभारण्यासाठी घनगड प्रतिष्ठान मुळशी यांचे सहकार्य लाभल्याचे मांडेकर म्हणाले.यावेळी राष्ट्रवादी काँग्रेस तालुकाध्यक्ष संतोष घोरपडे, जि,प.माजी सदस्य चंद्रकांत बाठे ,उद्योजक यशवंत डाळ ,अविनाश गायकवाड,केदार देशपांडे,अतुल काकडे,समीर घोडेकर,सचिन देशमुख तसेच भोर -राजगड- मुळशी तालुक्यातील शिवभक्त तरुण-तरुणी मोठ्या संख्येने उपस्थित होते.
