सोमेश्वर रिपोर्टर टीम----
यवत : प्रतिनिधी
पुणे सोलापूर महामार्गावरील यवत गावाजवळ तीन वाहनांचा भीषण अपघात झाला असून या अपघातात दोन जणांचा मृत्यू झाला तर पाच जण जखमी झाले.
पुणे सोलापूर महामार्गावर दि. २० रोजी सायंकाळी ७ वाजता ही घटना घडली. यामध्ये अशोक विश्वनाथ थोरबोले वय ५७ वर्ष रा. उरळी कांचन ता. हवेली जि. पुणे, मुळ रा. गोजवडा ता. वाशी जि. धाराशिव व गणेश धनंजय दोरगे, वय २८ वर्षे रा. यवत रावबाचीवाडी ता. दौंड, जि. पुणे यांचा मृत्यू झाला आहे.
सोलापूर वरून पुण्याच्या दिशेने जात असलेल्या स्विफ्ट गाडीतील चालकाचे वाहनावरील नियंत्रण सुटल्याने वाहन डिव्हायडर तोडून पुण्याकडून सोलापूर कडे जाणाऱ्या चारचाकी वाहनाला भीषण धडक दिली या धडकेत दोन जणांचा मृत्यू तर पाच जण जखमी झाले जखमींना खाजगी रुग्णालयात दाखल करण्यात आले.
