सोमेश्वर रिपोर्टर टीम------
वेल्हे : मिनल कांबळे
राजगड तालुक्यातील विंझर धनगरवस्ती येथील एका 16 वर्षीय मुलाने गळफास घेऊन आत्महत्या केली असल्याची माहिती पोलिसांनी दिली.
याबाबत अधिक माहिती देताना पोलिसांनी सांगीतले की विंझर धनगरवस्ती येथील एका 16 वर्षीय मुलाने गळफास घेऊन आत्महत्या केली अशी तक्रार मुलाचे वडील गोसू नरसु चव्हाण यांनी वेल्हे पोलिसात दिली आहे विंझर येथील धनगरवस्ती येथे 5 ऑगस्ट रोजी रात्री गणेश गोसु चव्हाण वय 16 वर्ष याने वडिलांनी लहान मुलांमध्ये खेळू नको असे रागावल्याने तो राग मनात धरून घरी कोणी नसताना गोठ्या जवळ असणाऱ्या चिंचेच्या झाडावरती स्वतःला लटकून घेतले तो कोणत्याही प्रकारची हालचाल करत नसल्याने त्याने आपल्या जीवाचे बरे वाईट करून घेतले आहे असे दिसून आल्याने लागलीच मुलाचे वडील यांनी वेल्हे पोलीस स्टेशन येथे पोलिसांना माहिती कळवली पोलीस आल्यानंतर त्याला खाली घेऊन ग्रामीण रुग्णालय वेल्हे येथे उपचार करता आणले असता तेथील डॉक्टरांनी त्याची तपासणी केल्यानंतर तो मयत झाल्याबाबत कळवले. याबाबत अधिक तपास सहाय्यक पोलीस निरीक्षक नितीन खामगळ यांच्या मार्गदर्शनाखाली पोलिस हवालदार मांडके करीत आहेत.
