सोमेश्वर रिपोर्टर टीम-----
सोमेश्वरनगर : प्रतिनिधी
निंबुत (ता. बारामती) येथे बालरूग्ण तपासणी तसेच नेत्रतपासणी शिबिराचे आयोजन केले होते. शिबिराचा ११० बालरूग्णांना लाभ झाला तसेच १४६ लोकांची नेत्रतपासणी करण्यात आली.
निंबुतमधील लक्ष्मीनगर-आनंदनगर येथे शिबिराचे उद्घाटन पणन महामंडळाचे माजी उपाध्यक्ष श्यामकाका काकडे, ज्येष्ठ नेते बी. जी. काकडे यांच्या हस्ते झाले. सोमेश्वर काऱखान्याचे माजी संचालक महेश काकडे यांच्या वाढदिवसानिमित्त या शिबिराचे आयोजन करण्यात आले होते. याप्रसंगी सोमेश्वर कारखान्याचे अध्यक्ष पुरुषोत्तम जगताप, राष्ट्रवादीचे तालुकाध्यक्ष राजवर्धन शिंदे, प्रशांत सातव, आयर्नमॅन सतीश ननावरे, रमाकांत गायकवाड, बाळासाहेब गायकवाड, विजय काकडे, उदय काकडे, लक्ष्मण गोफणे, शैलेश रासकर, राजेंद्र काकडे, सरपंच निर्मला काळे, शरद लकडे, संदीप बनसोडे आदी उपस्थित होते. याप्रसंगी लोणंद येथील शिवम बालरुग्णालयाच्या सहकार्याने परिसरातील ११० बालरूग्णांची तपासणी केली आणि यानंतर मोफत औषधोपचार केले गेले. याप्रसंगी डॉ. अर्चना निकम यांच्यासह पाच डॉक्टरांनी तपासणी केली. दरम्यान, पुणे येथील बुधराणी हॉस्पिटलमार्फत डॉ. मंजूर शेख व डॉ. मीनाज शेख यांनी १४६ लोकांची नेत्रपतासणी केली. यापैकी महेश काकडे मित्रपरिवाराकडून मोफत ७५ चष्म्यांचे मोफत वाटप केले. ३० लोकांना मोतिबिंदूचे निदान झाल्याने मोफत शस्त्रक्रिया केली जाणार आहे.
---
