सोमेश्वर रिपोर्टर टीम-------
नीरा : प्रतिनिधी
नीरा नजिकच्या पिंपरे खुर्द (ता. पुरंदर) गावच्या हद्दीतील जेऊर रेल्वे अंडरपास शेजारी पुणे–मिरज रेल्वे मार्गावर भरधाव रेल्वेची धडक बसून एका युवकाचा जागीच मृत्यू झाल्याची घटना गुरुवारी (दि.२५) सायंकाळी साडेपाचच्या सुमारास घडली. या घटनेनंतर नीरा पोलिसांनी तत्काळ हालचाली करत मृत युवकाची ओळख पटवण्यात यश मिळवले आहे.
पुणे–मिरज रेल्वे मार्गावर पुणे बाजूकडून सातारा दिशेने जाणाऱ्या भरधाव रेल्वेची धडक बसून एका युवकाचा दुर्दैवी मृत्यू झाला. धडकेची तीव्रता इतकी प्रचंड होती की युवकाच्या शरीराचे तुकडे झाले आणि त्याचा जागीच मृत्यू झाला.
या घटनेची माहिती सर्वप्रथम संबंधित रेल्वेच्या लोको पायलटने रेल्वे विभागाला दिली. त्यानंतर रेल्वे प्रशासनामार्फत नीरा पोलिसांना याबाबत कळविण्यात आले. माहिती मिळताच नीरा पोलीस दूरक्षेत्राचे सहाय्यक पोलीस उपनिरीक्षक घनश्याम चव्हाण व हवालदार संतोष मदने यांनी तात्काळ घटनास्थळी धाव घेऊन पंचनामा केला व मृतदेह ताब्यात घेतला.
मृतदेहाची ओळख पटवणे अवघड असतानाच घटनास्थळी आढळलेल्या मोबाईलच्या आधारे तपास करण्यात आला. मोबाईल तपासणीतून सदर युवकाचे नाव पोलीसांनी निष्पन्न केले असून सतीश गुलाब रोकडे वय ४५, रा. वीर, ता. पुरंदर असल्याची माहिती मिळाली आहे. जेजुरी येथील ग्रामीण रुग्णालयात मृतदेहाची ओळख वीर येथील नातेवाईक व रोकडे यांचे भाचे अतुल मारुतराव गायकवाड रा. आंबी (बु) ता. बारामती यांनी पटवली. भाचे अतुल गायकवाड यांनी जेजुरी पोलीस स्टेशनमध्ये खबर दिल्याची माहिती नीरा पोलीस दुरक्षेत्राचे हवालदार संतोष मदने यांनी दिली.
या घटनेमुळे परिसरात हळहळ व्यक्त करण्यात येत असून पुढील तपास नीरा पोलीस करत आहेत. मृत्यू अपघाती की अन्य कारणामुळे झाला, याबाबत पोलीस अधिक तपास करीत आहेत.
सतीश गुलाब रोकडे नीरा नजिकच्या पिंपरे खुर्द गावच्या हद्दीतील जेऊर रेल्वे अंडरपास शेजारी एक युवक रेल्वे खाली आल्याने ठार. आज गुरुवारी संध्याकाळी साडेपाचच्या सुमारास झाली धडक. अज्ञात व्यक्तीची ओळख पटवण्यात नीरा पोलीसांनी तात्काळ यश आले.
पुण मिरज रेल्वे मार्गावर पुणे बाजूकडून सातारा बाजूकडे जाणाऱ्या भरधाव रेल्वेची धडकेत युवकाच्या शरिराचे तुकडे झाल्याने त्याचा जागीच मृत्यू.
रेल्वे लोकोपायलटने आधी रेल्वे विभागाला या घटनेची माहिती दिली. त्यानंतर रेल्वे प्रशासनाने नीरा पोलीसांना या बाबतीत माहिती दिली. नीरा पोलीस दुरक्षेत्राचे पोलीस सहाय्यक पोलीस उपनिरीक्षक घणशाम चव्हाण, हवालदार संतोष मदने यांनी घटनास्थळी भेट देऊन मृतदेह ताब्यात घेतला. मृतदेहाची ओळख पटवणे कठीण असताना शेजारीच मोबाईल तपासला. मोबाईलवरुन सदर व्यक्ती वीर (ता. पुरंदर) येथील सतीश गुलाब रोकडे वय ४५ असल्याचे प्राथमिक माहिती मिळवली आहे.
