जिल्हा बंदी आदेश डावलून अवैध पद्धतीने दारु बाळगल्याने दोन जण ताब्यात.
नीरा :प्रतिनिधी सनी निगडे
महाराष्ट्र शासनाने लॉकडाऊनच्या काळातही दारु विक्रीला परवानगी दिली. त्यामुळे मद्यपींच्या दुकना समोर गर्दी वाढली, लांबच लांब रांगा लागल्या. नीरा हे शहर तसे जिह्याचे शेवटचे टोक. त्यामुळे सातारा जिल्ह्यातील लोक मोठ्या संख्येने येथील वाइन शॉप व देशी गुत्यावर येऊ लागले. हे लोक जिल्हा बंदी आदेश डावलून अवैध व बेकायदेशीर पद्धतीने दारु बाळगल्या प्रकरणी रविवारी नीरा पोलीसांनी धडक कारवाई करत ९ हजार ४०० रुपयांचा मुद्देमाल व सातारा जिल्ह्यातील दोन व्यक्तींना ताब्यात घेतले आहे. या धडक कारवाईमुळे नीरासह परिसरातील लोकांनी नीरा पोलीसांचे कौतुक होत आहे.
जाहिरात
नीरा पोलीसांनी दिलेल्या माहितीनुसार. नीरा दुरक्षेत्राचे फौजदार विजय वाघमारे, हवालदार राजेंद्र भापकर, कॉन्स्टेबल प्रविण शेंडे, पोलीस पाटील राजेंद्र भास्कर खाजगी वाहनाने नीरा शहरत गस्त घालत असताना एका व्यक्तीने फोन करून सांगितले की नीरा नदीच्या काठावरील पालखी तळावर काही लोक संशयीत हलचाली करताना दिसत आहेत. वाघमारे यांनी गाडीचालकास तातडीने गाडी पालखी तळाकडे घेण्याचे आदेश दिले. हेडकॉन्स्टेबल सुदर्शन होळकर व कॉन्स्टेबल निलेश जाधव यांना दुचाकीवरून येण्याचे सांगितले. दोन्ही वाहणे पालखी तळावर एकाच वेळी दाखल झाल्याने संशयित व्यक्तींना शंका आल्याने त्यांनी पलायन करण्याचा प्रयत्न केला पण होळकर व जाधव यांनी दुचाकीवरून पाठलाग करत फिल्मी स्टाईलने दोन व्यक्तींना ताब्यात घेतले.
नीरा येथील देशी विदेशी मद्याच्या दुकानातून एकच व्यक्तील जादा प्रमाणात मद्याच्या बाटल्या दिल्याचे निदर्शनास आले आहे. मद्यचा परवाणा किंवा ही व्यक्ती कुठल्या जिल्ह्यातील आहे हे न पाहता सर्रस मद्य विक्री सुरू होती. उमेश संजय खोमणे रा. साखरवाडी, ता.फलटण, करण विठ्ठल बोडरे रा.पिंपळवाडी, ता.फलटण जिल्हा.सातारा यांच्यासह देशी मद्याच्या १८० मिलीच्या १५३ व विदेशी मद्याच्या १८० मिलीच्या १२ सिलबंद बाटल्या आढळून आल्या. हा सर्व माल वाहतुकीसाठीचा परवाना न घेता जिल्हाबंदीचा आदेश डावलून अवैध पद्धतीने पुणे जिल्ह्यातुन सातारा जिल्ह्यात प्रवेश करत असताना त्यांना मुद्देमालासह ताब्यात घेण्यात येऊन कायदेशीर कारवाई करण्यात आली आहे. कॉन्स्टेबल निलेश जाधव यांनी फिर्याद दाखल केली होती.
