सोमेश्वरनगर प्रतिनिधी
बारामती तालुक्यातील कोऱ्हाळे बु या ठिकाणी एका वयोवृद्ध जेष्ठांचा कोरोना रिपोर्ट पॉझिटिव्ह आल्यानंतर त्याच्या संपर्कातील १२ जणांची कोरोना चाचणी केली होती त्यापैकी १० जणांचे रिपोर्ट निगेटीव्ह आले असून अजून दोघांचे रिपोर्ट येणे बाकी आहे असल्याची माहिती तालूका आरोग्य अधिकारी डॉ मनोज खोमणे यांनी दिली.
कोऱ्हाळे या ठिकाणी कोरोना पेशेंट सापडल्यानंतर कोऱ्हाळे हे गाव २८ दिवसांसाठी बंद करण्याचा निर्णय घेण्यात आला आहे. तसेच आरोग्य विभागाच्या वतीने कोऱ्हाळे बु गावातील प्रत्येक घराचा सर्व्हे केले जाणार असून १४ दिवस हा सर्व्ह चालणार आहे. तर गावातील खाजगी डॉक्टरांना दवाखान्यात येणाऱ्या प्रत्येक पेशेंट माहिती रोजच्या रोज २८ दिवस आरोग्य विभागाला कळवावी लागणार आहे. तसेच कोरोना पेशेंट च्या संपर्कातील ८ व्यक्ती पुण्याला गेले असून पुण्याच्या संबंधित विभागाला कळविण्यात आले असून पुण्याला गेलेल्या त्या आठ लोकांची चाचणी आज करण्यात येणार असल्याची माहिती डॉ खोमणे यांनी दिली.
काल कोरोना रुग्णाच्या संपर्कातील १२ जणांची चाचणी करण्यात आली होती, त्यापैकी १० जणांचे रिपोर्ट निगेटीव्ह आले असून उर्वरित दोघांचे रिपोर्ट ११ वाजेपर्यंत उपलब्द होणार आहेत. तसेच या रुग्णाच्या संपर्कातील अजून आठ जणांची चाचणी आज करण्यात येणार आहे.
जाहिरात
