पुरंदरच्या नीरा शहरात पुन्हा ३ रुग्ण पॉझिटिव्ह : तालुक्यातील कोरोना पॉझिटिव्ह रुग्णांची संख्या ४५७
पुरंदर :
पुरंदर तालुक्यातील सासवड, जेजुरी, सोनोरी, गराडे, कोडीत पाठोपाठ आता इतर गावात ही कोरोना पॉझिटीव्ह रुग्ण आढळून येऊ लागले आहेत. आज शनिवारी दि. २५ रोजी संध्याकाळी आलेल्या माहितीनुसार जेजुरी येथील कोरोना सेंटर मधून पाठवण्यात आलेल्या ४१ स्वॅप पैकी ८ रुग्ण पॉझिटिव्ह आल्याची माहिती पुरंदरच्या प्रशासनाकडून देण्यात आली. आता पुरंदरमध्ये कोरोना पॉझिटिव्ह रुग्णांची संख्या ४५७ झाली असून कोरोना मृत्यूची संख्या १९ आहे.
जेजुरी येथून पाठविण्यात आलेल्या ४१ स्वॅप पैकी ८ पॉझिटिव्ह आले आहेत. नीरा येथील ३ हायरिस्क कोरोना पॉझिटिव्ह, कुंभारवळण ३ हायरिस्क कोरोना पॉझिटीव्ह, जेजुरी २ रुग्ण पॉझिटिव्ह आले आहेत, पैकी १ नवीन व १ हायरिस्क मधील आहेत. अशी माहिती पुरंदरच्या तहसीलदार रुपाली सरनोबत यांनी दिली आहे.
पुरंदर तालुक्यात जून महिन्यापासून कोरोना रुग्ण आढळून आले. ४०० रुग्ण पुरंदर तालुक्यात झाले तरी पुरंदरचे शेवटचे टोक असलेल्या नीरा शहरात एकही कोरोना पॉझिटिव्ह रुग्णाची नोंद झाली नव्हती. त्यामुळे कोरोनाच्या दृष्टीने नीरा हा सेफ झोन होता. मात्र बुधवारी सायंकाळी प्रभाग क्रमांक दोन मधिल एक युवक कोरोना पॉझिटीव्ह आल्यानंतर आज शनिवार दि.२५ रोजी पुन्हा तीन रुग्ण पॉझिटीव्ह आल्यानंतर नीरा शहरात भितीचे वातावरण निर्माण झाले आहे. एकाच कुटुंबातील तीन सदस्य कोरोना पॉझिटिव्ह आल्याने तेही प्रभाग २ मधिलच असल्याने कंटेनमेंट झोन मध्ये काही बदल संभाव्य नाहीत.
COMMENTS