सैनिक महिला बचत गट बनले हायटेक : ऑनलाईन मिटींग घेऊन पार पडली वार्षिक सभा
सोमेश्वरनगर : प्रतिनिधी
येथे बचत गटाचे हप्ते ऑनलाईन बॅंकींग द्वारे भरले जातात. ऱक्कम पोहोचतात सर्वाना मेसेज दिला जातो. बचत गटात किती रक्कम शिल्लक आहे हे व्हाट्स ॲप गृप वर सर्वाना पाहता येते . सर्वांच्या मागणीनुसार कर्जफेड केली जाते .सर्व व्यवहार ऑनलाईन होत असतानाच कोरोनाच्या पार्श्वभूमीवर " ऑनलाईन मिटींग " द्वारे वार्षिक लेखा जोखा मांडुन एक आदर्श बचत गटाचे उदाहरण दिले आहे .
करंजेपुल येथील आजी माजी सैनिक स्वयंसहायता महिला बचत गटाच्या अध्यक्षा अमरजा आळंदीकर यांना बचत गटाचा वार्षीक आढावा व महिलाना हिशेब व आपण केलेले वर्षभरातील कामकाज सांगायचे होते त्यानी सचीव वृषाली विकास गायकवाड यांच्यापुढे विचार मांडला आणी सुरु झाली ऑनलाईन बैठकीची तयारी .झुम वर ऑनलाईन बैठक घ्यायची ठरली त्याप्रमाणे आळंदीकर यानी लिंक व पासवर्ड तयार करुन पाठवला मात्र अनेक महिलाना अडचणी व शंका येवु लागल्या . मग त्वरीत गुगल मेट वर जावुन त्यानी लिंक करुन सर्व महिलाना पाठवली बचत गटातील ८० टक्के महिला सहभागी झाल्या व ऑनलाईन मिटींग सुरु झाली.अध्यक्षा सौ अमरजा आळंदीकर यानी लेखा जोखा मांडला व कोरोनाच्या पार्श्वभूमी वर एकत्र येणे धोक्याचे असुन आपण सर्वच व्यवहार जसे हप्ता भरणे ,पैसे खात्यावर हस्तांतरीत करणे असे करु शकतो तर मिटींग का नाही म्हणुन ऑनलाईन मिटींग घेतल्याचे सांगीतले .सुमारे सहा लाखाचे वाटप असुन महिना दोन हजार रक्कम भरली जाते . बचत गट सदस्या कल्पना रिठे यानी कोरोनामुळे शाळा बंद असल्याने आपला वह्या पुस्तकाचा व्यवसाय बंद होता किराणा सारखा व्यवसाय कधी बंद पडणार नाही म्हणुन आपण बचत गटाचे एक लाख कर्ज काढुन व्यवसाय सुरु केला खऱ्या अर्थाने संकटकाळी हा गट उपयोगी पडला असे मत व्यक्त केले .
अमरजा आळंदीकर यानी आपल्या बचत गटाच्या वाटचालीत सर्व बचत गटांच्या समन्वय समिती सदस्य अनिल शिंदे ,बाळासाहेब शेंडकर ,गणेश आळंदीकर व जगन्नाथ लकडे आदींची मदत होत असल्याचे सांगीतले .वर्षा शिंदे ,रेश्मा श्रीकांत शेंडकर यानी ही बचत गटाच्या खर्चाचा आढावा घेतला.
कोरोनामुळे जरी अनेक संकट उभी राहीली असली तरी काही सकारात्मक बाबी घडु लागल्या आहेत त्यापैकी च महिला सक्षमीकरणाकडे जात असल्याचे चित्र या ऑनलाईन मिटींग ने दिसुन आले .
COMMENTS