ग्रामपंचायत करंजेपुल व ज्यूबिलंट कंपनी यांच्या वतीने करंजेपुल येथे वृक्षारोपणाचा कार्यक्रम संपन्न
सोमेश्वरनगर : प्रतिनिधी
करंजेपुल शेतकरी गट व ज्यूबिलंट भारतीया कंपनीच्या वतीने आंबा, नारळ, पेरू व लिंबू अशा प्रकारची एकूण १५०० झाडे लावण्यात आले. याप्रसंगी जिल्हा परिषदेचे बांधकाम व आरोग्य सभापती प्रमोद काकडे यांच्या शुभहस्ते व ज्यूबिलंट भारतीयाचे उपाध्यक्ष सतिश भट यांच्या अध्यक्षतेखाली वृक्षारोपण करण्यात आले. याप्रसंगी बोलताना प्रमोद काका काकडे यांनी अश्या प्रकारे सर्व ग्रामपंचायतींनी वृक्षारोपण करण्याची गरज व्यक्त केली तसेच जिल्हा परिषदेच्या dpdc विभागांतर्गत येथून पुढे होणाऱ्या रस्त्यांच्या कामामध्ये कंत्राटदारांनी 5 झाडे लावली पाहिजेत असा ठराव केल्याचे सांगितले.
ज्यूबिलंट भारतीयाचे उपाध्यक्ष सतीश भट यांनी सांगितले की तुम्ही एक पाऊल टाका, आम्ही दोन पाऊले टाकतो व येथून पुढे ग्रामपंचायतीच्या इतर उपक्रमाना आम्ही सहकार्य करू.
सरपंच वैभव गायकवाड यांनी सांगितले की ग्रामपंचायत स्वखर्चाने या झाडांचे संगोपन करेल व सर्व परिसर हिरवागार करेल तसेच विविध विकासकामांचा आढावा घेतला.
याप्रसंगी मा सरपंच बाळासाहेब गायकवाड, मा चेअरमन करंजे सोसायटी कैलास मगर, सदस्य लतीफ मुलाणी, मुख्याध्यापिका उषा जाधव, गणेश गायकवाड, बाळू गायकवाड, बाळू मोटे, नवनाथ गायकवाड, सूर्यकांत गायकवाड,पराग मासाळ, लक्ष्मण लकडे व ग्रामस्थ उपस्थित होते. सरपंच वैभव गायकवाड यांना किरण गायकवाड यांचे विशेष सहकार्य लाभले. प्रास्ताविक ग्रामसेवक आबा यादव यांनी केले तर आभार बाळासाहेब गायकवाड यांनी मानले.
ज्युबिलंट भारतीया फाउंडेशनने पर्यावरणास हातभार लावण्यासाठी शेतकऱ्यांना आंबा, पेरू, सीताफळ, चिकू, लिंबू, नारळ या झाडांची एक वर्ष वयाची रोपे दिली. निरा, निंबुत, करंजेपुल, पाडेगाव, वाघळवाडी, वाणेवाडी, कर्नलवाडी, गुळुंचे, वाल्हे, पिंपरे, पिसुर्टी, मुरूम, बाळू पाटलाची वाडी, मिरेवाडी, मुर्टी, पिंगोरी या सोळा गावातील शेतकऱ्यांनी त्यास प्रतिसाद दिला. शेतकऱ्यांनी आपल्या शेतात आणि शेताच्या रस्त्याला व बांधाला साडेतेरा हजार रोपे लावली आहेत.
COMMENTS