जेजुरीच्या दवनेमळ्यात २६ वर्षीय युवकाची आत्महत्या.
पुरंदर : प्रतिनिधी
जेजुरी शहराच्या जवळच असलेल्या दवनेमळा या छोट्या वस्तीतील भाडोत्री घरात एक युवकाने छताच्या हुकाला गळफास घेऊन आत्महत्या केल्याची धक्कादायक घटना घडली आहे.
जेजुरी पोलीस स्टेशनमध्ये आकस्मिक मृत्यूची नोंद करण्यात आली आहे. २६ वर्षीय युवक कर्ज वाटप आणि वसुलीचे काम करत होता. पुरंदर तालुक्यातील जेजुरी हद्दीतील दवनेमळा येथे एका २६ वर्षीय तरुणाने घरात गळफास घेऊन आत्महत्या केली असून ही घटना आज सोमवारी सकाळी उघडकीस आली. तरुणाच्या आत्महत्येचे कारण अस्पष्ट असून, तो कर्ज वाटप आणि वसुलीचे काम करत होता. रोहित जगन्नाथ कारंडे (वय २६ वर्ष) असे मृत तरुणाचे नाव असून, हा तरुण बलवाडी, ता. सांगोला, जि.सोलापूर या मूळ गावाचा रहिवासी असून, सध्या कामानिमित्त जेजुरी हद्दीतील दवनेमळा येथे राहायला होता. काल सुट्टी असल्याने तो दिवसभर मांडल्याने घेतलेल्या खोलीत एकटाच होता. त्याच्या खोलीमधील इतर जोडीदार सुट्टी निमित्ताने गावी गेली असल्याने ते पहाटे सव्वा चार वाजता आले. ते घरी परत आल्यावर त्यांनी दरवाजा वाजवला असता, दरवाजा आतून उघडला न गेल्याने मुलांनी खिडकीतून आत डोकावून पहिले असता सदरील तरुण रूमच्या स्लॅबचे हुकाला गळफास घेतलेल्या अवस्थेत दिसला. तपासणीअंती त्याला मृत घोषित करण्यात आले असून. या प्रकरणी जेजुरी पोलिस स्टेशनमध्ये आकस्मिक मृत्यूची नोंद करण्यात आली आहे.
COMMENTS