बारामती तालुका पंचायत समितीच्या सभापतीपदी निता फरांदे यांची निवड
सोमेश्वरनगर : प्रतिनिधी
बारामती तालुका पंचायत समितीच्या सभापती पदी निता नारायण फरांदे यांची निवड करण्यात आली.
आज दि.१८ रोजी बारामती पंचायत समितीच्या सभापती पदासाठी झालेल्या सदस्यांच्या बैठकीमध्ये राज्याचे उपमुख्यमंत्रीअजित पवार यांचे सूचनेनुसार सभापतीपदी निता नारायण फरांदे रा.मुरूम ता. बारामती यांची निवड करण्यात आली.
सदर निवडीची घोषणा बारामती तालुका राष्ट्रवादी काँग्रेस पक्षाचे अध्यक्ष संभाजी होळकर यांनी केली.
नीता फरांदे यांचा एकमेव अर्ज आल्याने त्यांची सभापतीपदी बिनविरोध निवड झाली. सर्व सदस्य व पदाधिकारी यांनी नवनिर्वाचित सभापती यांचे अभिनंदन करून पुढील कार्यास शुभेच्छा दिल्या. निता फरांदे यांनी या अगोदर मुरुम ग्रामपंचायत सदस्या, पंचायत समिती सदस्या आणि आता सभापतीपदी काम करण्याची संधी मिळाली आहे. याप्रसंगी मावळते सभापती निता बारवकर यांनी निता फरांदे यांना पुष्पगुच्छ देऊन शुभेच्छा दिल्या. यावेळी तालुका राष्ट्रवादी काँग्रेस पार्टीचे अध्यक्ष संभाजी होळकर, उपसभापती प्रदीप धापटे, मुरूमच्या सरपंच इंदुमती भगत, सोशल मिडियाचे अध्यक्ष सुनिल बनसोडे, पंचायत समिती सदस्य राहुल भापकर, संजय भोसले, रोहित कोकरे ,राहुल झारगड, सदस्या अबोली भोसले,शारदा खराडे, लिलावती गावडे,तालुका पदाधिकारी,माऊली कदम, गौतम काकडे, निलेश शिंदे, पत्रकार युवराज खोमणे त्याचप्रमाणे निवडणूक निर्णय अधिकारी तथा तहसीलदार विजय पाटील तसेच गटविकास अधिकारी राहुल काळभोर पंचायत समितीचे अधिकारी,कर्मचारी व निवडीनंतर राष्ट्रवादी पक्षाचे कार्यकर्ते व पदाधिकारी उपस्थित होते. उपमुख्यमंत्री अजित पवार यांच्या मार्गदर्शनाखाली विकासकांसाठी प्रयत्न करणार असल्याचे निता फरांदे यांनी निवडीनंतर सांगितले.
