सोमेश्वर रिपोर्टर न्युज-----
वाणेवाडी (ता.बारामती) येथे रामराजे विविध कार्यकारी सेवा सहकारी सोसायटी व ग्रामस्थ मंडळ यांच्या वतीने आज कोविड केअर सेंटरची सुरुवात करण्यात आली. रामराजे कार्यालयातील या सेंटरचे उद्घाटन बारामतीचे प्रांताधिकारी दादासाहेब कांबळे व तालुक्याच्या सभापती नीता फरांदे यांच्या हस्ते संपन्न झाले.
सोमेश्वरनगर परिसरामध्ये कोविड सेंटर सुरू व्हावे अशी नागरिकांची मागील महिन्यापासून मागणी होत होती. यास अनुसरून सोमेश्वर कारखान्याचे अध्यक्ष पुरूषोत्तम जगताप यांनी पुढाकार घेत त्यांच्या रामराजे सोसायटीच्या वतीने रामराजे मंगल कार्यालय सेंटर साठी सुपूर्द केले. वाणेवाडी व परिसरातील लोकांनी लोकसहभागातून भोजन, स्वच्छता, कर्मचारी आदी सुविधा उपलब्ध करून दिल्या. कार्यालयाचे भोजनगृह, शौचालय गृह उपयोगी पडणार आहे. या सेंटरमध्ये ५० बेडची सुविधा करण्यात आली असून ३५ पुरुषांसाठी तर १५ स्त्रियांसाठी असतील. जिल्हा परिषदेचा आरोग्य विभाग औषध पुरवठा व कर्मचारी पुरवठा करणार आहे. या ठिकाणी एक ऍम्ब्युलन्स अचानकच या सेवेसाठी ठेवली जाणार आहे. लोकसहभागातून उभ्या राहिलेल्या केअर सेंटरची इतर ठिकाणाहून हे अनुकरण व्हावे अशी अपेक्षा प्रांताधिकारी दादासाहेब कांबळे यांनी व्यक्त केली. तसेच गृह विलगीकरण कक्षात लोकांनी राहू नये त्याऐवजी केअर सेंटरमध्ये यावे असेही आवाहन त्यांनी केले. वडगाव निंबाळकर पोलीस ठाण्याचे सहाय्यक निरीक्षक सोमनाथ लांडे यांनी, शासनाच्या आदेशानुसार गृह विलगीकरण असूनही फिरणाऱ्या लोकांवर कारवाई केली जाईल असे सांगितले तर डॉ. मनोज खोमणे यांनी, गृह विलगिकरणात राहूच नये त्याऐवजी सेंटरला भरती व्हावे विलगीकरणातील लोक सुपर स्प्रेडर चे काम करत आहेत असेही ते म्हणाले. याप्रसंगी राष्ट्रवादीची तालुकाध्यक्ष संभाजी होळकर, गटविकास अधिकारी राहुल काळभोर, दूध संघाचे संचालक कौस्तुभ चव्हाण, सोमेश्वर चे संचालक किशोर भोसले, रामराजे सोसायटीचे अध्यक्ष बाळासाहेब जगताप, उद्योजक राजेंद्र जगताप, किरण काकडे, उपसरपंच संजय जगताप, वानेवाडी चे माजी सरपंच दिग्विजय जगताप, हरिश्चंद्र जगताप, कल्याण जगताप, रोहिदास जगताप, ग्रामसेवक पी के गाढवे, विजय जगताप, राजू बडदे, किरण जगताप आदी मान्यवर उपस्थित होते
COMMENTS