बारामती : प्रतिनिधी
सोमेश्वर रिपोर्टर टीम
बारामतीच्या जनतेने पवार घराण्याच्या गुलामगिरीतून मुक्त व्हावे, असे आवाहन भाजप आमदार गोपीचंद पडळकर यांनी केले. पवारांच्या नेतृत्वाखालील महाविकासआघाडी सरकार फुले- शाहू-आंबेडकर यांच्या खऱ्या वारसदारांच्या संविधानिक हक्कांवर गदा आणण्याचे व त्यांचा गळा घोटण्याचे महापाप करत असल्याचेही पडळकर यांनी म्हटले.
पडळकर आज बारामती दौऱ्यावर होते. यावेळी त्यांनी पत्रकारांशी संवाद साधला. ते म्हणाले, पंतप्रधान नरेंद्र मोदी यांनी अजित पवार यांना खोलीच्या बाहेर थांबवून मुख्यमंत्री उद्धव ठाकरे यांच्याशी चर्चा केल्यापासून पवार यांची मानसिकता बिघडल्या सारखी वाटते. असा खोचक टोला भाजपचे आमदार गोपीचंद पडळकर यांनी बारामतीत लगावला.
आमदार गोपीचंद पडळकर यांनी बारामतीतून विधानसभा निवडणूक लढवली होती. या निवडणुकीत त्यांना पराभवाला सामोरे जावे लागले होते. व त्यांचे डिपॉझिट जप्त झाले होते. ही बाब उपमुख्यमंत्री अजित पवार ठीक ठिकाणी सांगत असतात. हाच धागा पकडून पडळकर यांनी पवार यांच्यावर टीका केली.व पुढे म्हणाले की, आटपाडी तालुक्यातून सांगली, सातारा जिल्हा सोडून ..।अवघ्या पंधरा दिवसाच्या तयारीने निवडणूक लढवली. अजित पवारांच्यात धमक असेल तर त्यांनी माझ्या मतदारसंघात येऊन स्थानिक नेत्यांचे पाठबळ नसताना निवडणूक लढवली तर तुमची ही अवस्था तीच होईल.
राज्यात विविध प्रश्न आहेत. मराठा आरक्षण का गेलं. गायकवाड आयोगाचा अहवाल इंग्रजी मध्ये भाषांतरित का नाही केला. तुमचेच वकील सांगतात की, राज्य सरकार कागदपत्र देत नाहीत. वेळोवेळी माहिती देत नाहीत. तसेच ओबीसीचे आरक्षण का संपलं. पदोन्नतीतील आरक्षणाचा जी.आर कधी रद्द करणार. बीड मधील आरोग्य कर्मचारी आपल्या समस्या घेऊन पवार यांना भेटण्यासाठी आले होते. त्यांच्यावर पोलिसांनी लाठीचार्ज केला. या विषयावर तुम्ही बोला. प्रश्न सोडून तुम्ही दुसरीकडे कशाला जाताय. असेही पडळकर म्हणाले...
