सोमेश्वर रिपोर्टर टीम-------
बारामती तालुक्यातील वडगाव निंबाळकर पोलीस स्टेशन च्या हद्दीतील मौजे सोरटेवाडी गावचे हद्दीत मुक्ताई हॉटेल वर जेवणाचे पार्सल घेतल्यावर पैसे देण्याचे कारणावरून चार जणांनी हॉटेलं मालकाच्या डोक्यात सतूर मारून गंभीर दुखापत करून पळून गेले होते,
याबाबत वडगांव निंबाळकर पोलीस स्टेशन मध्ये भादवि कलम 307,506,34 प्रमाणे गुन्हा दाखल होता, सदर गुन्ह्यामध्ये रणजित कैलास भंडलकर रा खामगाव , व वैभव हनुमंत चव्हाण रा खामगाव ता फलटण जि सातारा यांना अटक केली होती, व सदर गुन्ह्या मधील फरारी आरोपी सोमनाथ हनुमंत पवार वय 25 वर्ष रा. खामगाव ता फलटण जि. सातारा याला गोपनीय माहितीच्या आधारे चाकण येथील नाणेकर वाडी ता खेड येथुन अटक केली आहे
सदर आरोपी गुन्हा मध्ये फरार होता. तसेच त्याचेवर यापूर्वी फलटण ग्रामीण पो स्टे, लोणंद पो स्टे, जेजुरी पो स्टे, चाकण पो स्टे, वडगाव निंबाळकर पो स्टे येथे दरोडा, जबरी चोरी, चोरी, खुनाचा प्रयत्न अशे नऊ गंभीर गुन्हे दाखल आहेत.
सदरची कामगिरी ही पोलीस अधीक्षक अभिनव देशमुख, ग्रामीण अप्पर पोलीस अधीक्षक बारामती मिलींद मोहिते, उप विभागीय पोलीस अधिकारी बारामती विभाग नारायण शिरगावकर यांचे मार्गदर्शना खाली वडगाव निंबाळकर पोलीस चे प्रभारी अधिकारी सहायक पोलीस निरीक्षक सोमनाथ लांडे, पो.ना.मनेरी, पो.शि. सलमान खान, पो.शि. पोपट नाळे, पो. शि.अमोल भुजबळ यांनी कामगिरी केली आहे.
l
