सोमेश्वर रिपोर्टर टीम-----
बारामती तालुक्यातील वडगाव निंबाळकर पोलीस स्टेशन
हददीतील कोहाळे बु।। येथील राजेंद्र छगन बिबे यांच्या घरासमोर बांधलेल्या ४६ हजार रुपये किंमतीची एक गाय व एक कालवड गेल्या महिन्यात पहाटेच्या सुमारास अज्ञात आरोपींनी चोरून नेलेल्या होत्या.
त्याबाबत वडगाव निंबाळकर पोलीसांनी अज्ञानात गुन्हा दाखल केला होता. सदर गुन्हयाचा तपास वडगाव निंबाळकर पोलीस स्टेशनचे सहा.पोलीस निरीक्षक सोमनाथ लांडे व त्यांचे तपासपथकाने तांत्रिक विश्लेषण व गोपनीय माहितीच्या आधारे करुन सदर गुन्हयातील संशयित आरोपी अशरफ जावेद शेख वय २० वर्षे रा.को-हाळे बु ।ता.बारामती जि.पुणे, अक्षय गुलाब पवार वय २४ वर्षे रा.आळंदे ता.भोर जि.पुणे, सचिन विष्णु कारबळ वय २६ वर्षे रा.इंगवळी ता.भोर पुणे, आकाश सुनिल वाघमारे वय २३ वर्षे रा.आळंदे ता.भोर जि.पुणे यांना ताब्यात घेवुन त्यांचेकडे कसोशीने तपास केला असता त्यांनी गायी चोरीचा गुन्हा केलेचे कबुल केलेने आरोपीतांना सदर गुन्हयाचे तपासकामी अटक करण्यात आलेली आहे . तसेच
सदर गुन्हा करणेसाठी वापरणेत आलेले वाहन टाटा मोटर वेगो गाडी नंबर एम.एच १२ एम.व्ही ६६१८ जप्त करण्यात आलेली असुन गेला माल गाय व कालवड हा लागलीच आरोपींकडुन जप्त करणेत आलेल्या आहेत.
सदरची कामगिरी ही अभिनव देशमुख पोलीस अधिक्षक, पुणे ग्रामीण,मिलिंद मोहीते अपर पोलीस
अधिक्षक बारामती, नारायण शिरगावकर उपविभागीय
उपविभागीय पोलीस अधिकारी बारामती विभाग यांचे मार्गदर्शनाखाली वडगाव निबाळकर पोलीस स्टेशनचे सपोनि. सोमनाथ लांडे व त्यांचे तपासपथकातील पोलीस अंमलदार पोहखा/ महेंद्र फणसं. पो.ना सलमान खान सागर चौधरी.पो.कॉ.पोपट नाळे ज्ञानेश्वर मानप, रामचंद्र आळाय, सविन दरेकर यांनी केलेली आहे. असून पुढील तपास पोलीस हवालदार महेंद्र फणसे हे करीत आहेत
