सोमेश्वर रिपोर्टर टीम------
सुपे : प्रतिनिधी
बारामती तालुक्यातील सुपे येथे घेण्यात आलेल्या महारक्तदान शिबिराला परिसरातील नागरिकांकडुन उस्फूर्त प्रतिसाद मिळाला. या परिसरातुन सुमारे २६० युवक वर्गाने रक्तदान केले.
पुणे ग्रामीणचे पोलीस अधीक्षक डॉ. अभिनव देशमुख, जिल्हाधिकारी डॉ. राजेश देशमुख यांच्या संकल्पनेतून राबवलेल्या महारक्तदान शिबिराचे आयोजन वडगाव निंबाळकर पोलीस ठाण्याच्यावतीने करण्यात आले होते.
या पोलिस ठाणेंतर्गत सुपे, सोमेश्वरनगर, पणदरे, मोरगाव, वडगाव निंबाळकर या पाच ठिकाणी बुधवारी ( दि. २३ ) महारक्तदान शिबिर घेण्यात आले. पडले. यामध्ये एकूण १३१७ रक्तदात्यांनी रक्तदान केले. या पोलिस ठाणे हद्दीतील गावांमधून प्रथमच मोठ्या प्रमाणात उस्फूर्त प्रतिसाद मिळाला.
पोलिस स्टेशन हद्दीतील सर्व गणेश मंडळ, पत्रकार, ग्रामपंचायत पदाधिकारी, शिक्षक, नाभिक बांधव, सामाजिक सेवाभावी संस्था, पोलीस पाटील, होमगार्ड, महिला दक्षता समिती, नागरिकांनी रक्तदान करून शिबिरात सहभाग नोंदवला.
यावेळी अक्षय ब्लड बँक पुणे यांच्या वतीने रक्तदात्यांना प्रमाणपत्र आणि हेल्मेट देण्यात आले. वडगाव निंबाळकर येथे (३६२) सोमेश्वरनगर दुरक्षेत्र (२८३) सुपा दुरक्षेत्र (२६०) पणदरे दुरक्षेत्र (२५८) मोरगाव पोलीस मदत केंद्र (१५४) अशा एकूण ५ ठिकाणी एकूण १३१७ रक्तपिशवी संकलन झाले.
वडगाव निंबाळकर येथे शिबिराच्या शुभारंभ प्रसंगी बारामती विभागाचे अप्पर पोलीस अधीक्षक मिलिंद मोहिते, प्रांतधिकारी दादासाहेब कांबळे, गटविकास अधिकारी अनिल बागल, तहसिलदार विजय पाटील, तालुका आरोग्य अधिकारी मनोज खोमणे उपस्थित होते. कार्यक्रमाचे प्रास्ताविक सहाय्यक पोलीस निरीक्षक सोमनाथ लांडे यांनी केले सूत्रसंचालन पत्रकार चिंतामणी क्षीरसागर आभार सहाय्यक फौजदार शरद वेताळ यांनी मानले.
बारामती पंचायत समिती सभापती निता फरांदे, सोमेश्वर कारखान्याचे अध्यक्ष पुरुषोत्तम जगताप, उपाध्यक्ष शैलेश रासकर, राष्ट्रवादी काँग्रेसचे तालुकाध्यक्ष संभाजी होळकर, बारामती दूध संघाचे अध्यक्ष संदीप जगताप, उपविभागीय पोलिस अधिकारी नारायण शिरगावकर बारामती शहर पोलीस ठाण्याची पोलीस निरीक्षक नामदेव शिंदे यांनी रक्तदान शिबिरास भेट देऊन रक्तदात्यांना शुभेच्छा दिल्या. तर सुप्यातुन पोलिस कॉंन्स्टेबल विशाल नगरे, के. व्ही. ताडगे, क्षिरसागर आदीचे रक्तदान शिबिराकामी सहकार्य मिळाले.
............................................
