बारामती दि ५
भाविकांचे श्रद्धास्थान असलेल्या शिर्सुफळ ता.बारामती येथिल शिरसाई मंदिरातील चोरी मोठ्या शिताफीने उघड करुन आरोपी जेरबंद करण्यात आल्याने बारामती तालुका पोलिस स्टेशनला बेस्ट डिटेक्शन हा पुरस्कार देण्यात आला.सदर पुरस्कार देण्यात आल्याने तालुका पोलिस स्टेशनचे अधिकारी व कर्मचारी यांच्यावर कौतुकाचा वर्षाव होत आहे.
या गुन्ह्याबाबत सविस्तर माहिती अशी की, दिनांक ८/१/२०२२ रोजी रात्री १ ते ३ वाजताच्या दरम्यान बारामती तालुका पोलीस ठाणे हृददीतील शिर्सुफळ गावी असलेल्या शिरसाई मंदिरातील देविच्या अंगावरील दागिणे व मंदिरातील इतर वस्तु चोरीस गेल्याची घटना उघडकीस आली होती. सदर बाबत बारामती तालुका पोलीस ठाणे येथे( गु.र. क ११/२२ भा.द.वि. कलम ३८०,४५७ ) अन्वये गुन्हा नोंद करण्यात आला होता. सदर घटनेचे गांभिर्य ओळखून पोलीस अधिक्षक पुणे ग्रामीण डॉ.अभिनव देशमुख , अपर पोलीस अधिक्षक मिलींद मोहीते, उपविभागीय पोलीस अधिकारी गणेश इंगळे यांनी तपासाबाबत मार्गदर्शक सूचना दिल्या, त्याप्रमाणे पोलीस निरीक्षक महेश ढवाण व पोलीस ठाणतील अधिकारी, गुन्हे शोध पथकातील अमलदार, तसेच इतर पोलीस स्टाफसह घटनास्थळी जावून वेगवेगळ्या टिम बनवून शिर्सुफळ, मळद, कुरकुभ, दौंड, बारामती आसपासच्या परिसरातील जवळपास ६० ते ६५ सीसीटिव्ही कॅमे-याच्या फुटेजची पाहणी केली. परंतू रात्रीची वेळ असल्याने आरोपीत यांनी वापरलेल्या वाहनाचा नंबर समजण्यास अनेक अडचणी येत होत्या, परंतू पोलीस पथकाने वेगवेगळ्या क्लुप्त्या वापरून आरोपींनी वापरलेल्या इको वाहन क्र. (एम.एच .१४ एफ .एक्स ४५७६) चा नंबर मिळाला. त्याप्रमाणे पोलीस पथक सदर वाहनाच्या मालका पर्यंत पोहचले असता सदर इको वाहन मालकाने त्याचे वाहन दिनांक ४/१२/२०२९ रोजी पिंपरी येथून चोरीस गेले असून त्याबाबत पिंपरी पोलीस ठाण्यात चोरीचा गुन्हा नोंद असल्याची माहिती मिळाली.
त्यामुळे आरोपींचा शोध घेणे आणखी जिकरीचे झाले परंतु तपास पथकाला तांत्रिक बाबीवरून आरोपी हे गोकुळ शिरगाव ता. करविर, जि. कोल्हापूर येथे असल्याची माहिती मिळाली. त्याप्रमाणे पथकाने गोकुळ शिरगाव, ता. करविर, जि. कोल्हापूर येथून आरोपी राहत असलेल्या घरातून सापळा आरोपींना ताब्यात घेतले. रचून खालील
१) शाहरूख राजु पठाण( वय २४ वर्षे रा. गोपाळ शिरगाव, नॅशनल हायवे ४ जवळ, जि. कोल्हापूर, मुळगाव
शिव तक्रारवाडी, निरा ता. पुरंदर जि. पुणे) (२) पुजा जयदेव मदनाळ( वय १९ वर्षे) रा. ३) अनिता गोविंद गजाकोश (वय १९ वर्षे) असून सदर आरोपींना पोलीस खाक्या दाखवताच त्यांनी गुन्हयाची कबुली देवून त्यांना शिरसाई माता मंदिरात चोरी सह नागपूर, वर्धा, लातूर, बीड, उस्मानाबाद, सातारा, कोल्हापूर जिल्हयातील वेगवेगळया जवळपास २० ते २४ मंदिरातील दागिणे व इतर साहित्य चोरी केल्याची कबुली दिली.
आरोपींकडून आता पर्यंत शिरसाई माता मंदिरात चोरीस गेलेले सर्व दागिणे व पितळी वस्तू सह महाराष्ट्रातील इतर मंदिरातून चोरी केलेले दागिणे, वस्तू तसेच पिंपरी येथून चोरी केलेली इको वाहन क्र. (एम. एच.१४ एफ .एक्स .४५७६) सह जवळपास १२ लाख रुपयाचा मुद्देमाल हस्तगत केला आहे.
सदरची कामगिरी पोलीस निरीक्षक महेश ढवाण, सहाय्यक पोलीस निरीक्षक योगेश लंगुटे, पोलीस हवालदार रमेश भोसले, पोलीस अंमलदार नंदु जाधव, राहुल पांढरे, विजय वाघमोडे, विनोद लोखंडे, रणजीत मुळीक,अमोल नरुटे, बापूराव गावडे यांनी केलेली आहे.सदरच्या कामगिरी करीता पोलीस अधिक्षक पुणे ग्रामीण डाॅ.अभिनव देशमुख यांनी बेस्ट डिटेक्शन पुरस्काराने सन्मानित करण्यात आलेले आहे.यावेळी अपर पोलीस अधीक्षक मिलिंद मोहिते उपस्थित होते.
फोटो ओळी- बेस्ट डिटेक्शनचा पुरस्कार स्वीकारताना तालुका पोलिस ठाण्याचे अमोल नरुटे
COMMENTS