सोमेश्वर रिपोर्टर टीम------
नीरा : प्रतिनिधी
बारामती तालुक्यातील निंबुतच्या हद्दीतील ज्युबिलंट कंपनीत शुक्रवारी रात्री उशीरा आग लागली होती. लोकवस्ती शेजारी कंपनीच्या कंपाऊंडच्या आत लोखंडी जिन्यावर सुमरे अर्धा तास ही आग लागल्याची लोकांना दिसून आले. त्यामुळे लोक भयभीत झाले होते, तर काहिंनी या घटनेचे मोबाईलमध्ये चित्रिकरण केले.
नीरा (ता.पुरंदर) येथील वार्ड क्र. ६ शेजारी विविध घातक रसायनांची निर्माती असलेल्या ज्युबिलंट इनिग्रेव्हा या कंपनीत कायमच अशा अपघातांच्या घटना घडत असल्याची चर्चा आहे. नीरा वर्ड नं ६ मधील रहिवाशांना असे अपघात आता नित्याचे झाले आहेत. लोकवस्तीत आधी असे अपघात घडल्याचे समजते. कंपनीच्या एक टोकाला अपघात झाल्यास स्थनिक लोक कंपनीच्या अधिकाऱ्यांना अशा अपघातांची कल्पना देतात असे स्थानिकांकडून बोलले जात आहे.
शुक्रवार दि. ३ जून रोजी रात्री अकराच्या सुमारास कंपनीच्या एका प्लँंटवर जाणाऱ्या लोखंडी जिन्यावर सुमारे अर्धातास ही आग स्थनिकांना दिसल्याचे त्यांनी सांगितले. असे अनेकवेळा झाले, नशीब चांगले की कोणती जीवीत हानी नाही तसेच प्रलय झाला नाही , परंतु टांगती तलवार सतत वॉर्ड क्रमांक ६ वर असल्याची भावना ग्रामस्थांनी बोलून दाखवली.
----------------------------------
"कंपनीच्या एका उंच भागात पुठे पेटले होते. रात्री वार असल्याने ती मोठी आग असल्याचे भासले. वास्तवीक काही मिनिटात ती आग वाझलीही. यातून कोणीही जखमी झाले नसून, कंपनीचे ही कोणत्याही प्रकारचे नुक्सान झाले नाही. अशा घटनांची काळजी घेण्यासाठी आमच्याकडे सक्षम व आधुनिक फायर यंत्रण असल्याने लोकांनी घाबरु नये"
इसाक मुजावर : पी.आर.ओ. ज्युबिलंट इनिग्रेव्हा, नीरा
