सोमेश्वर रिपोर्टर टीम-----
सोमेश्वरनगर : प्रतिनिधी
आपल्या श्री सोमेश्वर सहकारी साखर कारखाना कार्यक्षेत्रातुन जात असलेल्या निरा डावा कालव्याचे अस्तरीकरणाचे जे काम सुरु आहे याबाबत राज्याचे विरोधी पक्षनेते आदरणीय अजितदादा पवार यांचेसमवेत बोलणे झाल्यानंतर आदरणीय अजितदादा पवार यांनी सर्व लोकांच्या भावना ऐकुन घेत या लोकभावनेची दखल घेवुन ताबडतोक अस्तरीकरणाचे काम थांबवण्याची सुचना केली असल्याची माहिती श्री सोमेश्वर सहकारी साखर कारखान्याचे अध्यक्ष श्री. पुरुषोत्तम जगताप यांनी दिली
श्री. जगताप यांनी दिलेल्या प्रसिद्धीपत्रकात म्हंटले आहे की, आदरणीय अजितदादा पवार यांच्यापर्यंत निरा डावा कालवा अस्तरीकरणाबाबतच्या संपुर्ण तालुक्यातील जनतेच्या भावना पोहचल्या असुन आजपर्यंत पवार कुटुंबीयांनी शेतक-यांच्या व सर्वसामान्यांच्या विरोधी किंवा त्यांचे नुकसान होईल असे काम केलेले नाही. त्यामुळेच आदरणीय अजितदादा पवार यांच्यासोबत आज माझे फोनवरुन बोलणे झाले असता व त्यांना याबाबत सर्व जनभावना सांगितली असता त्यांनी क्षणाचाही विलंब न लावता अस्तरीकरणाचे काम थांबवण्याची सुचना संबधीत शासकीय यंत्रणेला दिले आहेत.
ना. अजित पवार यांनी निरा डावा कालवा अस्तरीकरणाच्या कामास जनभावनेची दखल घेत त्वरीत स्थगिती दिल्याबद्दल सोमेश्वर कारखान्याच्या ऊस उत्पादक सभासद व शेतकरी यांच्या वतीने मी अजितदादा पवार यांचे आभार मानतो असे जगताप म्हणाले.
