सोमेश्वर रिपोर्टर टीम------
मेढा : प्रतिनिधी
मेढा - सातारा - मेढा रस्त्यावर चिंचणी ता.सातारा येथे चारचाकी व दुचाकीच्या अपघातात मेढा येथील दोन इसम ठार झाले आहेत.तर चारचाकीमधील लहान मुलांसह पाचजण जखमी झाले असून या भीषण अपघातात दोन्ही वाहनांचे मोठे नुकसान झाले आहे.
भरत यदु शेलार वय-48 (रा.थोरली काळोशी) व रघुनाथ दत्तात्रय चिकणे वय-54 (रा.मेढा),दोघेही बापूराव पार्टे पतसंस्थेत कामाला होते,अशी अपघातात ठार झालेल्यांची नावे व माहिती आहे. याबाबत घटनास्थळावरून मिळालेल्या माहितीनुसार, झायलो कंपनीची चारचाकी गाडी ही मेढ्याहून सातारकडे येत असताना चिंचणीनजीक अचानक टायर फुटल्याने चालकाचा वाहनावरील ताबा सुटला होता. झायलो गाडीने समोरून येणाऱ्या दूचाकी स्वरास उडून रस्त्याच्या कडेला नाल्यामध्ये दोन्ही वाहने कोसळली. या अपघातात दुचाकीस जोरदार ठोकर बसल्याने दोन्ही इसम गंभीर जखमी होऊन ठार झाले आहेत. तर झायलोमधील एक 14 वर्षीय लहान गंभीर जखमी झाला असून इतर पाचजण किरकोळ जखमी झाले आहेत.
या अपघाताची माहिती कळताच चिंचणीसह परिसरातील ग्रामस्थांनी अपघातस्थळी गर्दी केली होती. अपघातात दोन्ही इसम गंभीर जखमी झाल्याने मोठ्या प्रमाणात रक्तस्त्राव होवून ते जागीच ठार झाले. घटनेने परिसर हादरून गेला असून लोक भयभीत झाले होते. घटनास्थळी सातारा तालुक्याचे पोलीस निरीक्षक विश्वजीत घोडके व सहाय्यक पोलीस निरीक्षक अमोल माने यांच्या समवेत पोलीस कर्मचारी दाखल झाले होते. या अपघाताची नोंद तालुका पोलीस ठाण्यात झाली असून याचा अधिक तपास पोलीस महेंद्र पाटोळे करत आहेत.
