वाई ! दौलतराव पिसाळ ! वाकेश्वर (बावधन) येथील विजयसिंह ठोंबरे यांच्या फार्म हाऊस येथे पुणे पोलिसांचा छापा : पुण्यातील कुख्यात गुंड गज्या मारणेला घेतले ताब्यात

सोमेश्वर रिपोर्टर टीम------

वाई : प्रतिनिधी 

 कुख्यात गुंड गजानन मारणेला पुणे पोलिसांनी ताब्यात घेतले असून साताऱ्यातील वाई जवळच्या वाकेश्वर येथील ॲड.विजयसिंह ठोंबरे यांच्या फार्महाऊसवर त्याला ताब्यात घेण्यात आले आहे. गजानन मारणे यांच्यावर खंडणी, अपहरण प्रकरणात ही कारवाई करण्यात आली आहे. पोलिसांन मधील श्रेयवादाची लढाई असल्याने या गंभीर बाबीची नोंद वाई पोलिस ठाण्यात झाली नाही वास्तविक पाहता पुणे पोलिसांनी याची नोंद वाई पोलिस ठाण्यात करणे गरजेचे होते . ॲड.विजयसिंह ठोंबरे पाटील यांना फार्महाऊस वर भेटण्यासाठी आला असताना पुणे पोलिसांनी ही कारवाई केली. दरम्यान मिळालेल्या माहितीनुसार पुणे पोलीस गजानन मारणेला घेऊन पुण्याकडे रवाना झाले आहेत.

   शेअर दलाल व व्यावसायिक व्यक्तीचे २० कोटी रुपयांच्या खंडणीसाठी अपहरण करुन मारहाण करण्याच्या प्रकरणी गज्या उर्फ गजानन मारणे याच्यासह १४ जणांविरुद्ध महाराष्ट्र संघटित गुन्हेगारी नियंत्रण कायद्यानुसार (मोका) कारवाई करण्यात आली आहे. पोलिस आयुक्त अमिताभ गुप्ता यांनी याबाबत आदेश दिले होते.गज्या उर्फ गजानन पंढरीनाथ मारणे (रा. शास्त्रीनगर, कोथरुड), हेमंत उर्फ अण्णा बालाजी पाटील (वय ३९, रा. बुरली,पलूस, सांगली), अमर शिवाजी किर्दत (वय ४६), फिरोज महमंद शेख (वय ५०, दोघे रा. कोडोवली, सातारा), रुपेश कृष्णराव मारणे (रा. शास्त्रीनगर, कोथरुड), संतोष शेलार (रा. कोथरुड), मोनिका अशोक पवार (रा. दापोडी), अजय गोळे (रा. नऱ्हे), नितीन पगारे (रा. सातारा), प्रसाद खंडागळे (रा. तळजाई पठार, पद्मावती), नवघणे यांच्यासह साथीदारांविरुद्ध मोका कारवाई करण्यात आली.

   भारती विद्यापीठ परिसरात राहणाऱ्या एका व्यावसायिक व शेअर दलालाचे अपहरण केल्या प्रकरणी खंडणी विरोधी पथकाने सोमवारी 4 जणांना अटक केली होती. त्यांनतर गज्या मारणे आणि साथीदार पसार झाले होते. दरम्यान, त्यांचा शोध घेण्यासाठी पोलिसांची पथके रवाना झाली होती.