सोमेश्वर रिपोर्टर टीम-------
भोर : संतोष म्हस्के
विद्यार्थी घडवण्यासाठी शिक्षकांचे योगदान फार महत्वाचे असते त्यातच माध्यमिक शिक्षक ,शिक्षिका यांनी केलेल्या ज्ञानदानातून विद्यार्थी भविष्यातील आदर्श नागरिक घडत असतात.यासाठी शिक्षक संघटना मजबूत असायला हवी असते आणि ती पुणे जिल्हा शिक्षक,शिक्षिका संघटना मजबूत व आदर्शवत असल्याचे प्रतिपादन पुणे जिल्हा माध्यमिक शिक्षक ,शिक्षिका संघ,पुणे जिल्हा टी. डि.एफ यांच्या वतीने भोर येथे जिल्हास्तरीय व तालुका स्तरीय गुणवंत शिक्षक पुरस्कार वितरण कार्यक्रमात आमदार संग्राम थोपटे यांनी केले. आमदार थोपटे पुढे म्हणाले भविष्यकाळात शिक्षकांच्या न्याय हक्कांसाठी पूर्ण ताकतीने प्रयत्न करणार आहे.यावेळी विश्वस्त महाराष्ट्र राज्य टी.डी .एफ के. एस. ढोमसे ,राज्य कार्याध्यक्ष जी.के.थोरात माजी पंचायत समिती सभापती बाळासाहेब थोपटे, भोर तालुका महिला काँग्रेस अध्यक्षा गीतांजली शेटे, काँग्रेस कमिटीचे उपाध्यक्ष कृष्णाजी शिनगारे, पुणे जिल्हा नियोजन समिती सदस्य संतोष साखरे , पुणे जिल्हा माध्यमिक शिक्षक संघाचे अध्यक्ष वसंतराव ताकवले , पुणे जिल्हा टी.डी.एफ अध्यक्ष मुरलीधर मांजरे, रमेश बुदगुडे, माध्यमिक शिक्षक संघाचे तालुकाध्यक्ष विश्वनाथ दामगुडे, टी.डि.एफ तालुकाध्यक्ष जयवंत थोपटे, महिला अध्यक्षा माया तळेकर,भोर तालुका माध्यमिक शिक्षक संघाचे कार्यवाह संजय तळेकर तसेच स्वागताध्यक्ष धोंडिबा कुमकर व तालुक्यातील सर्व शिक्षण प्रेमी उपस्थित होते.
