बारामती ! 'सोमेश्वर' साखर कारखान्याचा उद्या बॉयलर अग्नी प्रदीपन

सोमेश्वर रिपोर्टर टीम------

सोमेश्वरनगर : प्रतिनिधी

कारखान्याचा सन २०२२-२०२३ चा ६१ वा बॉयलर अग्निप्रदिपन समारंभ कारखान्याचे अध्यक्ष पुरुषोत्तम जगताप व त्यांच्या पत्नी रोहीनी जगताप   व उपाध्यक्ष आनंदकुमार होळकर व त्यांच्या पत्नी मनीषा होळकर यांच्या हस्ते बुधवार (दि. ५) रोजी सकाळी ९ वाजता आयोजित केला असुन गाळप हंगाम सुरु करण्याच्या दृष्टीने कारखान्यातील सर्व अंतर्गत कामे प्रगतीपथावर असल्याची माहिती जगताप यांनी दिली.

                सोमेश्वर सहकारी साखर कारखान्याचा सन २०२२-२०२३ चा ६१ वा गळीत हंगाम शुभारंभ रविवार (दि.९)  रोजी राज्याचे विरोधी पक्षनेते अजित पवार यांच्या हस्ते व माजी राज्यमंत्री दत्तात्रय भरणे, आ. मकरंद पाटील, आ.संजय जगताप, आ. दिपक चव्हाण, माळेगावचे अध्यक्ष बाळासाहेब तावरे, छत्रपतीचे अध्यक्ष प्रशांत काटे, जिल्हा बँकेचे अध्यक्ष डॉ. दिगंबर दुर्गाडे, संचालक संभाजी होळकर, दत्तात्रय येळे या मान्यवरांच्या प्रमुख उपस्थित संपन्न होणार असल्याची माहिती सोमेश्वरचे अध्यक्ष पुरुषोत्तम जगताप यांनी दिली.

           यावेळी सोमेश्वर शिक्षण प्रसारक मंडळाच्या वतीने उभारलेल्या मुलींचे वसतीगृह, एमबीए महाविद्यालय, इंजीनअरींग महाविद्यालय, सोमेश्वर सार्वजनिक वाचनालय व सोमेश्वर कारखाना कामगार पतपेढी या सर्व संस्थांच्या नुतन इमारतीचे उदघाटन तसेच कारखान्याच्या को -जन विस्तारवाढ प्रकल्पाचा शुभारंभ, कारखाना सांडपाणी प्रक्रीया प्रकल्पाचे उदघाटन, कारखाना कामगार वसाहतीमधील ३ इमारतींचे उदघाटन व शेतकरी मेळाव्याचे आयोजन यावेळी करण्यात आल्याची माहिती जगताप यांनी दिली.