सोमेश्वर रिपोर्टर टीम------
बारामती : प्रतिनिधी
बारामती तालुक्यातील १३ ग्रामपंचायतच्या निवडणुकीचे वातावरण तापू लागले असून अर्ज दाखल करण्याच्या शेवटच्या दिवशी सरपंचपदासाठी १०८ तर सदस्यपदासाठी ५९८ उमेदवारी अर्ज दाखल झाले आहेत.
राज्य निवडणूक आयोगाने ग्रामपंचायत सार्वत्रिक निवडणूक सन २०२२ कार्यक्रम जाहीर केला असून १८ डिसेंबर रोजी मतदान प्रक्रिया पार पडणार आहे. बारामती तालुक्यातील महत्त्वपूर्ण मानली जाणारी मुरूम, वाणेवाडी, वाघळवाडी व गरदडवाडी ग्रामपंचायत निवडणूक ही लक्षवेधी होणार असून सोरटेवाडी बिनविरोध होण्याची चिन्हे आहेत. सरपंचपद जनतेतून असल्याने अनेक नेत्यांनी, कार्यकर्त्यांनी सरपंचपद खेचून आणण्यासाठी कंबर कसली आहे. सरपंचपद जनतेतून असल्याने अनेकांना सरपंचपदाचे स्वप्न पडले आहे. अनेक गावांमधून सरपंचपदासाठी रस्सीखेच दिसून येत आहे.
---------------------
बारामती तालुक्यातील १३ ग्रामपंचायतसाठी गावनिहाय उमेदवारांची अंतिम यादी
२ डिसेंबर २०२२ सरपंच सदस्य
मोरगाव ६ ३९
कऱ्हाटी ४ ३४
लोणीभापकर ५ ३८
मासाळवाडी ५ २२
पळशी ५ २६
पणदरे ११ १०४
कुरणेवाडी ११ ३४
वाघळवाडी १३ ६१
मुरूम १४ ७५
वाणेवाडी ७ ४६
गडदरवाडी ५ २२
सोरटेवाडी ५ २१
सोनकसवाडी १७ ७६
