सोमेश्वर रिपोर्टर टीम------
बारामती : प्रतिनिधी
बारामती शहर पोलिसांना माहिती मिळाली की कदम चौक या ठिकाणी एका सिल्वर रंगाच्या कारमध्ये वेगवेगळ्या कंपन्यांचा गुटखा आहे सदर माहिती मिळताच बारामती शहर पोलिसांच्या तपास पथकाने त्या ठिकाणी छापा मारला असता सिल्वर रंगाच्या इंडिका कार एमएच १२ ईएन ९१५९ उभी असल्याचे दिसून आले तिची तपासणी केली असता त्या ठिकाणी पांढऱ्या पोटामध्ये विमल, आर एम डी गुलाम व इतर गुटखा ब्रँडच्या गुटखा पुड्या मिळाल्या.
त्यानंतर त्या ठिकाणी लगेच गुरुकृपा किराणा स्टोअर्स दुकान चेक केले असता त्या दुकानात सुद्धा गुटक्याचे माल मिळाला त्याचबरोबर मद्याच्या ९६ बाटल्या सदर ठिकाणी मिळाला पोलिसांनी विमल गुलाम आर एम डी तसेच सुगंधी तंबाखू किंमत २७ हजार ३२२ रुपये, मद्याच्या ९६ बाटल्या किंमत सहा हजार सातशे वीस रुपये व गुटखा विक्रीतून आलेले रोख ९० हजार २६० रुपये एक लाख, २४ हजार रुपये किमतीचा गुटखा दारू व रोख व तीन लाख रुपये किमतीची कार जप्त करण्यात आली सदरचा गुटखा आणणारे व विक्री करणारे शंकर उर्फ अक्षय राजू धोत्रे राहणार, पतंग शहा नगर, नागे संतोष दावड राहणार, पतंग शाह नगर यांना अटक करण्यात आली.
सदर ठिकाणावरून आतिश राजू धोत्रे हा फरारी झाला सदरची कारवाई माननीय पोलीस अधीक्षक अंकित गोयल अप्पर पोलीस अधीक्षक आनंद भोईटे उपविभागीय पोलीस अधिकारी गणेश इंगळे यांच्या मार्गदर्शनाखाली पोलीस निरीक्षक सुनील महाडिक यांच्या आदेशान्वये पोलीस उपनिरीक्षक युवराज घोडके पोलीस हवालदार कल्याण खांडेकर पोलीस हवालदार दशरथ कोळेकर पोलीस शिपाई तुषार चव्हाण पोलीस शिपाई अक्षय सिताफळ दशरथ इंगोले पोलीस हवालदार शिंदे यांनी केलेली आहे