सोमेश्वर रिपोर्टर टीम-----
भोर : संतोष म्हस्के
भोर येथील संस्थान कालीन तहसील कार्यालयाच्या पहिल्या मजल्यावर संजय गांधी योजना कक्ष म्हणजेच सामाजिक योजना कक्ष नागरिकांची होणारी गैरसोय पाहता दि.२८ तहसील कार्यालयाच्या तळमजल्यावर सुरू करण्यात येणार असल्याची माहिती प्रांताधिकारी राजेंद्र कचरे यांनी दिली.
संस्थान काळापासून तहसील कार्यालय भोरचे मुख्य कार्यालय सदर इमारतीच्या पहिल्या मजल्यावर असून तळमजल्यावर महा सेवा केंद्र, संगणक कक्ष व दुय्यम निबंधक कार्यालय आहे.बदलत्या काळासोबत नागरिकांची जास्त संपर्क येणारे विभाग म्हणजेच योजना कक्ष व पुरवठा शाखा हे आहेत.जास्तीत जास्त नागरिकांशी संपर्क येणाऱ्या दोन्ही शाखांपैकी पुरवठा शाखा यापूर्वी तळमजल्यावर आणण्यात आलेली आहे.उर्वरित संजय गांधी योजना कक्ष म्हणजेच सामाजिक योजना कक्ष २८ फेब्रुवारी २०२३ पासून तहसील कार्यालयाच्या तळमजल्यावर सुरू करण्यात येणार आहे.