सोमेश्वर रिपोर्टर टीम----
भोर : संतोष म्हस्के
पुणेहुन भोर शहरात येणारा तसेच भोर शहरातून पुणेकडे जाणारा महत्त्वाचा वाहतुकीचा नीरा नदीवरील मार्ग राणी लक्ष्मीबाई फुलावर मोठमोठे खड्डे पडल्याने अक्षरशः पाण्याची तळी साचल्याने प्रवासी वाहनचालक त्रस्त झाले आहेत.मात्र सार्वजनिक बांधकाम विभाग सुस्तच असल्याचे चित्र आहे.
भोर नगरपालिकेच्या हद्दीत प्रवेश करताना भोलावडे गावापासून सुरू झालेल्या राणी लक्ष्मीबाई पुलावर मोठ- मोठे खड्डे पडून पुलाची दुरावस्था झाली आहे.परिणामी पुलावरून पाणी साठत असल्याने वाहतूक करताना प्रवाशी,वाहन चालकांना मोठ्या अडचनिंना सामोरे जावे लागत आहे.तर राजा रघुनाथराव विद्यालयात जाणाऱ्या विद्यार्थी- विद्यार्थिनींना या पुलावरील खड्ड्यात साठलेले पाणी अंगावर उडत असल्याने नाहक त्रास सहन करावा लागत आहे. सार्वजनिक बांधकाम विभागाने या समस्येकडे लक्ष देऊन खड्डे बुजवावेत तसेच फुलाच्या बांधकामावर उगवलेली झाडे झुडपे बाजूला करावीत अशी मागणी प्रवासी वाहन चालक तसेच भोर शिवसेना युवा नेते समीर घोडेकर यांच्याकडून होत आहे.
COMMENTS