फलटण ! गणेश पवार ! मलटण मधील हे तिघांचं टोळकं साथीदारांच्या मदतीने... लोणंद, फलटण आणि वाठार या भागात ट्रान्सफॉर्मर चोरी करायचे : फलटण पोलिसांनी त्यांच्या मुसक्या आवळत ८ लाख ८० हजारांचा मुद्देमाल केला जप्त

सोमेश्वर रिपोर्टर टीम----

फलटण : गणेश पवार

दि २७ फलटण ग्रामीण पोलीस ठाणे हद्दीतील वाढत्या  डी पी चोऱ्यांना आळा घालण्यासाठी  गुन्हे प्रकटीकरण शाखेकडून विशेष पथक स्थापन करून तांत्रिक माहितीच्या आधारे शोध घेऊन संशयित संतोष जगन्नाथ घाडगे, सागर युवराज घाडगे,किरण भिमराव घाडगे (सर्व रा मलटण ता फलटण जि सातारा)  यांना ताब्यात घेऊन त्यांच्याकडे चौकशी केली असता  त्यांनी इतर साथीदारांसह फलटण तालुक्या मध्ये तसेच वाठार पोलीस ठाणे व लोणंद पोलीस ठाणे व फलटण शहर पोलीस ठाणे हद्दीमधील डी पी चोरी केले असलेचे कबुली दिली असून  त्यानुसार त्यांच्या ताब्यातून विविध ठिकाणी चोरी केलेली सुमारे ३ लाख ८० हजार रुपये किमतीचे एकूण ३८० किलो वजनाचे तांबे व चोरी करण्यास वापरलेली  ओमनी व्हॅन असा एकूण ८ लाख ८० हजार रुपयांचा मुद्देमाल हस्तगत करण्यात आला गुन्ह्यांचा उपास अद्याप सुरू असून अटक आरोपींनी आणखी कोठे काही गुन्हे केले आहेत काय याचा तपास सुरू आहे. 

         सदरची कामगीरी पोलीस अधीक्षक समिर शेख, बापू बांगर, उपविभागीय पोलीस अधिकारी  राहुल धस व पोलीस निरीक्षक सुनिल महाडीक यांच्या मार्गदर्शनाखाली गुन्हे प्रकटीकरण शाखेचे पोलीस उपनिरीक्षक सागर अरगडे, सहाय्यक पोलीस उपनिरीक्षक मोहन हांगे, पोलीस हवालदार अरुण शेंडे, महादेव पिसे, पोलीस नाईक नितीन चतुरे, अमोल जगदाळे, तुषार आडके, पोलीस कॉन्स्टेबल विक्रम कुमार, तुषार नलवडे, हनुमंत दडस, श्रीकांत खरात यांनी या कारवाईमध्ये भाग घेतला होता.