सोमेश्वर रिपोर्टर टीम-----
जेजुरी : प्रतिनिधी
रविवार दि. २३ रोजी मुख्यमंत्री व उपमुख्यमंत्री महाराष्ट्र राज्य यांचे उपस्थितीत “शासन आपल्या दारी” व जेजुरी विकास आराखडा भुमीपुजन कार्यक्रम दौरा कार्यक्रम आयोजित करण्यात आलेला आहे.
त्यानिमित्ती मुख्यमंत्री आणि सोबत महाराष्ट्र राज्यातील मंत्री मंडळातील अन्य मान्यवर उपस्थित राहणार आहे. त्याअनुषंगाने जेजुरी येथील पालखी मैदानावर सभा घेण्यात येणार असून, सदर दिवशी या कार्यक्रमासाठी लाभार्थी एस. टी. बसने व इतर वाहनांने मोठया प्रमाणात येणार आहेत. सदर दिवशी या कालावधीत वाहतुक कोंडी होऊ नये या करीता पुणे ते पंढरपूर राष्ट्रीय महामार्ग क्र. ९६५, पुणे ते बारामती रोड वरील जड, अवजड व इतर वाहतुक पुर्णपणे बंद करुन त्यावरील वाहतुक पर्यायी मार्गाने वळविण्यात येत आहे.
------------------
१. सातारा, फलटण, लोणंद, बारामती येथुन पुणे येथे जाणेकरीता जेजुरी - सासवड कडे येणारी जड, अवजड व इतर वाहतुक पुर्णपणे बंद करुन त्यावरील वाहने हि निरा-मोरगाव - सुपा ते केडगाव चौफुला मार्गे सोलापुर महामार्ग क्रमांक ६५ वरुन पुणे या मार्गे वळविण्यात येत आहे.
२. पुणे बाजुकडुन बारामतीकडे येणारी वाहतुक पुर्णपणे बंद करुन बेलसर- कोथळे - नाझरे - सुपे -मोरगाव रोड मार्गे बारामती-प - फलटण - सातारा या मार्गे वळविण्यात येत आहे.
३. बारामती व निरा बाजुकडुन जेजुरी मार्गे पुणे बाजुकडे जाणारी जड, अवजड व इतर वाहतुक पुर्णपणे बंद करुन ती मोरगाव- सुपा- केडगाव चौफुला मार्गे सोलापुर महामार्ग क्रमांक ६५ वरुन पुणे या मार्गे वळविण्यात येत आहे
४. पुणे बाजुकडुन जेजुरी मार्गे फलटण - सातारा बाजुकडे जाणारी जड, अवजड व इतर वाहतुक पुर्णपणे बंद करुन सासवड- नारायणपुर -कापुरहोळ मार्गे सातारा - फलटण किंवा सासवड- वीर फाटा-परींचे वीर- वाठार मार्गे लोणंद या मार्गे वळविण्यात येत आहे.
COMMENTS