सोमेश्वर रिपोर्टर टीम-----
भोर : संतोष म्हस्के
भोर शहरात महत्त्वाच्या बाजारपेठेत नित्याच्या वाहतूक कोंडीला जबाबदार असणारे अतिक्रमण करणारे नागरिकांना तसेच वाहनचालकांना वारंवार त्रासदायक ठरत आहे.वाहतूक कोंडी होऊ नये तसेच नागरिकांना होणारा नाहक त्रास थांबावा यासाठी भोर नगरपालिकेने पाऊल उचलले असून गुरूवार दि.१९ बाजारपेठेतील ( मंगळवारपेठ) अतिक्रमणे हटविण्यास सुरुवात करणार असल्याचे मुख्याधिकारी हेमंत किरूळकर यांनी सांगितले.
मागील महिन्यात तालुका समन्वय समितीच्या आढावा बैठकीत शहरातील वाहतूक सुरळीत करणे व अतिक्रमणे काढण्याबाबत आमदार संग्राम थोपटे यांच्याकडून सूचना देण्यात आल्या आहेत.शहरातील भोर बसस्थानक ते मंगळवार पेठ या मार्गावरील रस्त्यावर अतिक्रमण केलेल्या ५५ जणांना यापूर्वीच नोटिसा दिल्या आहेत.सोमवार दि.१६ पुन्हा एकदा सर्वांना नोटीसा देऊन चोवीस तासांच्या आज स्वतः अतिक्रमणे काढण्याची विनंती नगरपालिकेकडून केली आहे.अतिक्रमणे काढण्याची कारवाई तात्पुरती नसून कायमस्वरूपी सुरू राहणार आहे.असे किरूळकर यांनी सांगितले.
COMMENTS