Bhor Breaking ! संतोष म्हस्के ! कालच त्याने दुकानात नवीन वर्षानिमित्त पाच लाखांचा माल भरला होता : चोरट्यांनी रातोरात दुकानाचा पत्रा कापून केला लंपास

Admin
सोमेश्वर रिपोर्टर टीम----
भोर : संतोष म्हस्के
भोर शहरातील चौपाटी -रामबाग मार्गावरील अंबिका हार्डवेअर ॲन्ड इलेक्ट्रिकल्स स्टोअर्स दुकानाचा पत्रा कापुन जबरी चोरी झाल्याची घटना रविवार दि.३१ पहाटे सुमारास घडली.
       मिळालेल्या माहितीनुसार भोरमधील चौपाटी रामबाग रस्त्यावर एचडीएफसी बँकेसमोर अंबिका हार्डवेअर ॲन्ड इलेक्ट्रिकल्स स्टोअर्स हे दुकान आहे. दुकान जागा मालक अविनाश पवार यांनी हे दुकान गोपाळ राजपुत,चेतन राजपूत या व्यावसायिकाला भाड्याने दिले आहे. रविवारी राजपूत सकाळी दुकान उघडण्याची आल्यावर त्यांना आपल्या दुकानाचा पत्रा कापलेला दिसला व दुकानातील असणारे सामान,मटेरियल अस्ताव्यस्तvपसरलेले दिसले. त्यांनी त्वरित दुकान जागा मालक अविनाश पवार यांना कळविले त्यांनी जागेवर जाऊन पाहणी केली व त्वरित १०० नंबर फोन करून घडलेली हकीकत पोलिसांना सांगितली. पोलिसांनीही त्वरित घटनास्थळी धाव घेतली असून तपास, चौकशी व माहिती घेण्याचे काम सुरू केले आहे. दुकानातील अंदाजे चार ते पाच लाखांचा माल चोरीला गेला आहे. असे राजपूत यांनी सांगितले.काहि दिवसांपुर्वी या रस्त्यावरील अशीच चार ,पाच दुकाने फोडुन चोरी झाल्याची घटना घडली होती.
To Top