सोमेश्वर रिपोर्टर टीम-----
भोर - संतोष म्हस्के
भोर तालुका खरेदी-विक्री संघाच्या वतीने घेण्यात आलेल्या अनंत-निर्मल शेतकरी कृषी प्रदर्शनाचे उद्‌घाटन प्रदेश काँग्रेसच्या महिलाध्यक्षा संध्या सव्वालाखे यांच्या हस्ते शाही थाटात करून प्रदर्शनाचा प्रारंभ करण्यात आला.भोर पोलिस ठाण्याच्या मैदानावर आमदार संग्राम थोपटे यांच्या मार्गदर्शनाखाली रविवार ता.१७ पासून आयोजित केलेले प्रदर्शन हे पुढील पाच दिवस सुरु राहणार आहे.
भोर - चौपाटी येथील छत्रपती शिवाजी महाराज यांच्या पुतळ्यास पुष्पहार अर्पण करून आलेल्या मान्यवरांना सजविलेल्या बैलगाडींतून प्रदर्शनाच्या ठिकाणी आणण्यात आले.यावेळी शासनाच्या योजना सर्वसामान्यांपर्यंत पोचत नसल्याची खंत असल्यामुळे या कृषी प्रदर्शनात महिला बचत गट आणि पशु-पक्षी प्रदर्शनाचे आयोजन केल्याचे आमदार संग्राम थोपटे यांनी सांगितले. प्रदर्शनात सोमवार ता. १८ सायंकाळी महाराष्ट्राची लोकधारा, मंगळवार दि.१९ होम मिनिस्टर, बुधवारी दि.२० शालेय विद्यार्थ्यांच्या नृत्य स्पर्धा आदी सांस्कृतिक कार्यक्रम घेण्यात येणार आहेत. याशिवाय पशू-पक्षी प्रदर्शनात कमी उंचीची आणि जास्तीत जास्त दूध देणारी पुंगनुरु गाय व ओडिश जातीचा नंदी ठेवण्यात आला आहे.याखेरीज दररोज चिमुकल्यांसाठी बालजत्रा, खाद्यजत्रा, शॉपिंग मॉलही असणार आहेत. गुरुवारी दि.२१ पारितोषीक वितरणाने प्रदर्शनाचा समारोप होणार आहे.दरम्यान भोर तालुका खरेदी-विक्री संघाचे अध्यक्ष अतुल किंद्रे व उपाध्यक्ष अतुल शेडगे यांच्यासह सर्व संचालकांनी कृषी प्रदर्शनाचे नियोजन केले.
यावेळी प्रदेश काँग्रेसच्या उपाध्यक्षा संगीता तिवारी, राजगड ज्ञानपीठाच्या सचिव स्वरूपा थोपटे, तहसीलदार सचिन पाटील, गटविकास अधिकारी किरणकुमार धनवाडे, उपविभागीय कृषी अधिकारी एस एस मडके, जिल्हा कृषी अधिकारी संजय काचोळे, तालुका कृषी अधिकारी देवेंद्र ढगे, सहाय्यक निबंधक बाळासाहेब तावरे, काँग्रेसचे तालुकाध्यक्ष शैलेश सोनवणे, महिलाध्यक्षा गीतांजली शेटे, माजी सभापती लहू शेलार, वारकरी संघटनेचे आर. के. रांजणे, धनंजय वाडकर, गिता आंबवले, कृष्णाजी शिनगारे, बाजार समितीचे अध्यक्ष आनंदराव आंबवले आदी प्रमुख मान्यवरांसह शेतकरी व महिला मोठ्या संख्येने उपस्थित होत्या.
COMMENTS