सोमेश्वर रिपोर्टर टीम----
शिरवळ : प्रतिनिधी
शिरवळ पोलीस स्टेशन हद्दीमध्ये असणाऱ्या अवैध धंदे करणा-यांना शिरवळ पोलीसांनी दणका दिला आहे,यावेळी शिरवळ पोलीसांनी कडक धोरण अवलंबत सराईत गुन्हेगारांसह अवैध धंदे करणाऱ्या वीस जणांची शिरवळसह परिसरातून धिंड काढली आहे.
शिरवळ पोलीसांनी व फलटण उपविभागाअंतर्गत असणाऱ्या निर्भया पथकाने छेडछाड करणा-या टोळक्यांविरुध्द तसेच अवैध धंदे करणा-यांच्या मुसक्या आवळण्यास सुरवात केल्याने अवैध धंदे करणा-यांचे धाबे दणाणले गेले आहे.यावेळी शिरवळ पोलीसांनी गुरुवार दि.21 डिसेंबर रोजी हातभट्टी दारु विक्री करणारे,मटका व्यवसायिक व सराईत गुन्हेगारांना ताब्यात घेत शिरवळ पोलीस स्टेशन हद्दीमध्ये संबंधितांची असणारी दहशत मोडित काढण्याकरीता व नागरिकांमध्ये भितीमुक्त वातावरण निर्मितीकरीता सातारा पोलीस अधिक्षक समीर शेख,अपर पोलीस अधिक्षक आंचल दलाल,फलटण पोलीस उपविभागीय अधिकारी राहुल धस यांच्या निर्देशानुसार शिरवळ पोलीस स्टेशनचे पोलीस निरीक्षक नवनाथ मदने यांच्या नेतृत्वाखाली सहाय्यक पोलीस निरीक्षक चिमणाजी केंद्रे यांच्या नेतृत्वाखाली शिरवळ पोलीसांच्या पथकाने अवैध धंदे करणा-यांची शिरवळ व परिसरातून मुख्यतःशिरवळ पोलीस स्टेशन परिसर,एसटी बसस्थानक परिसर, मेनरोड,छञपती शिवाजी महाराज चौक,शासकीय विश्रामगृह,चावडी चौक,बाजारपेठ,रामेश्वर परिसर अशी धिंड काढली.यावेळी शिरवळ पोलीसांनी केलेल्या धडक कारवाईमुळे अवैध धंदे करणा-यांचे धाबे दणाणले गेले आहे.
