सोमेश्वर रिपोर्टर टीम-----
भोर : संतोष म्हस्के
भोर तालुक्याच्या दक्षिणेकडील वीसगाव खोऱ्यातील बाजारवाडी ता. भोर ग्रामपंचायतच्या सरपंचपदी रुपाली रुपेश जाधव यांची सोमवार दि.११ निवड करण्यात आली.विद्यमान सरपंच सीता मोहन गुरव यांचा दोन वर्षाचा कार्यकाळ पूर्ण झाल्याने त्यांनी सरपंच पदाचा राजीनामा दिला होता.सरपंचपद रिक्त झाल्याने जिल्हाधिकारी यांच्या आदेशानुसार निवडणूक निर्णय अधिकारी सुनिल धर्माकांबळे यांच्या उपस्थितीत निवडणूक प्रक्रिया राबविण्यात आली. दरम्यान सरपंच पदासाठी रुपाली रुपेश जाधव यांचा एकमेव अर्ज आल्याने निवडणूक निर्णय अधिकारी धर्माकांबळे यांनी सरपंचपदी रुपाली रुपेश जाधव यांची बिनविरोध निवड झाल्याचे जाहीर केले.
निवडणूक प्रक्रियेदरम्यान मावळत्या सरपंच सीता गुरव, उपसरपंच उत्तम खोपडे,सदस्य मोहन मानकर, ग्रामसेवक रणजित ननावरे, उषा मानकर, गोविंद खोपडे,उषा मानकर,पोलीस पाटील अर्जून शिंदे आदींसह ग्रामस्थ उपस्थित होते.रुपाली जाधव यांची सरपंचपदी निवड झाल्याबद्दल ग्रामदैवत काळभैरवनाथ मंदिरात जाऊन गुलालाची उधळण करत जल्लोष केला .नवनिर्वाचित सरपंच रुपाली जाधव यांनी बाजारवाडी गावच्या विकासासाठी आमदार संग्राम थोपटे यांच्या मार्गदर्शनाखाली सदस्य तसेच प्रशासनाच्या सहकार्याने शासनस्तरावरील विविध योजना कार्यक्षमतेने राबविल्या जातील असे सांगितले.