सोमेश्वर रिपोर्टर टीम-----
भोर : संतोष म्हस्के
भोरवरून महाडकडे एक्टिवा गाडीवर जाताना शंकर गोरे रा.वरंध ता.महाड तर समोरून वेगाने रॉंग साईडने येणाऱ्या जयवंत सोपान कराडे रा.अंदोरी ता.खंडाळा यांच्या ग्लॅमर दुचाकी गाडीनची जोरदार धडक झाल्याने जयवंत कराडे यांचा मृत्यू झाल्याची घटना सोमवार दि.८ सायंकाळी घडली.याची फिर्याद भोर पोलिसात जिजाबाई शंकर गोरे वय -४२ वरंध ता. महाड जि. रायगड यांनी दिली.
पोलिसांनी दिलेल्या माहितीनुसार वर नमुद केले तारीख वेळी देवघर ता.भोर येथे फिर्यादी व त्यांचे पती शंकर गोरे त्यांची अॅक्टिव्हा मोटरसायकल एम.एच./०६/सी.ई./३८४४ वरून महाड बाजूकडे जात होते. समोरून महाड बाजूकडून ग्लॅमर बिना नंबर प्लेटचे मोटरसायकल चालक जयवंत सोपान कराडे रा.कराडवाडी (अंदोरी )ता. खंडाळा जि. सातारा यांनी त्याचे ताब्यातील ग्लॅमर मोटरसायकल भरधाव वेगाने चालवून रॉंग साईडला आणून गोरे यांच्या दुचाकी मोटरसायकलला धडक दिली.फिर्यादी व फिर्यादीचे पती शंकर गोरे किरकोळ जखमी असून जयवंत कराडे यांना गंभीर दुखापत होऊन मयत झाले. अपघातात दोन्ही मोटरसायकलचे नुकसान झाले आहे. तपास पोलीस निरीक्षक शंकर पाटील यांच्या मार्गदर्शनाखाली पोलीस हवालदार विजयकुमार नवले व उद्धव गायकवाड करीत आहेत.