सोमेश्वर रिपोर्टर टीम----
भोर : संतोष म्हस्के
पुणे-सातारा महामार्गवरील असलेल्या किकवी येथील वीटभट्टीवरील पाणी साठवण्याची टाकी फुटून ३ वर्षाच्या चिमुकलीचा जागीच मृत्यू झा आल्याची घटना घडली असून या दुर्घटनेत एक १६ वर्षीय मुलगी गंभीर जखमी आहे.
घटनास्थळावरील मिळालेल्या माहितीनुसार किकवी गावामध्ये सुरू असलेल्या वीडभट्टी व्यवसायाला लागणारी पाणी साठवण्याची टाकी मागील पंधरा दिवसांपूर्वी बांधली गेली होती.या ठिकाणचे कामगार रोजच्या प्रमाणे पाण्याच्या टाकीमध्ये पाणी भरत होते.त्याचवेळी टाकी फुटून मोठी दुर्घटना घडली व त्यामध्ये तीन वर्षीय चिमुकलीचा जागीच मृत्यू झाला तर त्यामध्ये सोळा वर्षीय मुलीगी गंभीर रित्या जखमी झाली.जखमी मुलीवर खाजगी रुग्णालयात उपचार सुरू आहेत. या घटनेची तीव्रता एवढी होती की शेजारील असलेल्या घराची देखील भिंत पडून घराचे देखील मोठ्या प्रमाणात नुकसान झाले आहे. या घटनेची नोंद राजगड पोलीस स्टेशनमध्ये झाली असून घटनेची माहिती मिळताच पोलीस निरीक्षक राजेश गवळी यांनी घटनास्थळी भेट दिली.