Baramati News l जयराम सुपेकर यांना राज्यस्तरीय समाजभुषण पुरस्कार प्रदान

Admin
सोमेश्वर रिपोर्टर टीम------
सुपे : प्रतिनिधी 
महाराष्ट्र शासनाच्यावतीने दिला जाणारा राज्यस्तरीय डॉ. बाबासाहेब आंबेडकर समाजभुषण पुरस्कार सुपे ( ता. बारामती ) येथील जेष्ठ पत्रकार जयराम मारुती सुपेकर यांना नुकताच मुंबई येथे प्रदान करण्यात आला.  
           राज्याचे मुख्यमंत्री तथा समाजकल्याण मंत्री एकनाथ शिंदे, उपमुख्यमंत्री अजित पवार यांच्या हस्ते मुंबई मधील नरीमन पॉईंड येथील जमशेदजी भाभा नाट्यगृहामध्ये या पुरस्काराचे वितरण करण्यात आले. यावेळी शाल, श्रीफळ, सन्मानपत्र, सन्माचिन्ह आणि धनादेश असे या पुरस्काराचे स्वरुप होते. 
     सुपेकर यांना समाजकल्याण विभागाच्यावतीने सामाजिक कार्याबद्दल सन २०२२ - २३ चा हा राज्यस्तरीय समाजभुषण पुरस्कार देण्यात आला.  
            कोरोनाच्या काळात पुरस्कार वितरणात खंड पडला होता. त्यानंतर प्रथमच या पुरस्काराचे वितरण करण्यात आले. पुणे जिल्ह्यातील सन २०१९ ते २०२३ पर्यंतच्या कालखंडातील सुमारे २४ जणांना हा पुरस्कार देण्यात आला. तर राज्यातील ९२ संस्था आणि ३०० व्यक्तीना या पुरस्काराचे वितरण करण्यात आले. याप्रसंगी क्रीडा व युवक कल्याण मंत्री संजय बनसोडे, आमदार सर्वश्री किशोर जोरगेवार, ज्ञानेश्वर म्हात्रे, भरत गोगावले, माजी मंत्री लक्ष्मण ढोबळे, सामाजिक न्याय विभागाचे सचिव सुमंत भांगे, समाज कल्याण आयुक्त ओम प्रकाश बकोरिया आदी उपस्थित होते.
          ............................
To Top