सोमेश्वर रिपोर्टर टीम-----
भोर : संतोष म्हस्के
नसरापूर जवळील कोळवडी ता.भोर येथे विहिरीचे खोदकाम करताना वायर रोप तुटून क्रेन विहिरीत कोसळले. या दुर्घटनेत एका कामगाराचा जागीच मृत्यू तर एक कामगार गंभीर जखमी झाल्याची ही घटना सोमवार दि.२९ घडली.आहे.
दुर्घटनेत अंकुश प्रभाकर गेडाम वय २३ , रा. गडचिरोली याचा मृत्यू झाला तर विजेंद्र रामानंद भारद्वाज वय -४९ रा. उत्तरप्रदेश हा जखमी झाला आहे. याबाबत अधिक माहिती अशी की नसरापूर-राजगड रोडलगत असणाऱ्या कोळवडी गावातील ओढ्यात विहिरीचे खोदकाम सुरू आहे. सोमवार दुपारच्या जेवणानंतर क्रेनच्या साहाय्याने बकेटमधून कामगारांना दरवेळेस प्रमाणे खाली सोडण्यात येत असताना अचानक क्रेनची वायर रोप तुटली. त्यामुळे तब्बल ५० फूट खाली बकेट पडले. वायर रोपचे लोखंडी हुक तुटल्याने हा अपघात झाला असून या बकेट मध्ये असणाऱ्या कामगारांमध्ये असणारे अंकुश गेडाम हे जागीच ठार झाले. या घटनेनंतर स्थानिकांनी व इतर कामगारांनी रुग्णवाहिका बोलवून जखमींना सिद्धिविनायक रुग्णालयात दाखल केले असून इतर कामगारांना दुसऱ्या क्रेनच्या सहाय्याने सुखरूप बाहेर काढण्यात आले आहे.
COMMENTS