सोमेश्वर रिपोर्टर टीम-----
भोर : संतोष म्हस्के
कापूरव्होळ -सासवड मार्गावरील दिवळे ता.भोर येथे रस्त्याच्या कडेला कांदा विक्रीसाठी बसलेल्या तरुणाची दोन अज्ञात इसमांनी पोलिस असल्याची बतावणी करून अडीच तोळे वजनाची सोन्याची १ लाख ५० हजारांची चैन गळ्यातून हिसकावून लंपास केल्याची घटना सोमवार दि.६ घडली.याची फिर्याद दोन अज्ञात ईस्मांविरुद्ध राजगड पोलीस ठाण्यात पांडुरंग दीपक पांगारे रा.दिवळे यांनी दिली.
पोलिसांनी दिलेल्या माहितीनुसार दिवळे ता.भोर गावच्या हद्दीत कापूरव्होळ -सासवड मार्गावर कांदे विकत असताना शिवनेच्या झाडाजवळून बाथरूम वरून परत पुन्हा दुकानावर येत असताना मोटरसायकलवरून अज्दोयात दोन इसम फिर्यादीच्या जवळ आले. आम्ही पोलीस आहोत.गळ्यामध्ये एवढे सोने घालून फिरू नका. दोन गुंड इकडे आले आहेत असे सांगितले.त्यावेळी फिर्यादीने तुमचे आयडी दाखवा असे म्हणाले असता फिर्यादीशी अज्ञात चोरट्यांनी हुज्जत घालून दमदाटी करत गळ्यातील सोन्याची चैन व सूर्य आकाराचे सोन्याचे पान असे एकूण १ लाख ५० हजार रुपयांचे बळजबरीने सोन्याची चैन चोरून नेली. पुढील तपास राजगड पोलीस ठाण्याचे पोलीस निरीक्षक राजेश गवळी यांच्या मार्गदर्शनाखाली पोलिस हवालदार मदने करीत आहेत.
