सोमेश्वर रिपोर्टर टीम-----
भोर : संतोष म्हस्के
भोर तालुक्याच्या दक्षिणेकडील आंबवडे ता.भोर येथील एका ढाब्यावर मित्रांबरोबर मद्यपान करत असताना झालेल्या हानामारीत एकाचा संशयास्पद मृत्यू झाल्याची घटना सोमवारी दि. २२ जुलै घडली. तुषार शिनगारे वय -३९ रा. कर्नावड ता.भोर असे मृत्यू पावलेल्या तरुणाचे नाव आहे.
स्थानिकांच्या माहितीनुसार मयत तुषार शिनगारे व त्याचे दोन मित्र हे आंबवडे गावातील एका ढाब्यावर मद्यपान करत बसले होते.मद्यपान करता करता तुषार आणि त्याच्या दोन मित्रांमध्ये वाद निर्माण झाला. वादाचे पर्यवसान हाणामारीत झाले.यावेळी झटापटीत तुषारचा मृत्यू झाल्याची माहिती प्रत्यक्षदर्शी स्थानिक ग्रामस्थांकडून मिळाली.घटनेची माहिती मिळताच भोर पोलिसांनी घटनास्थळी धाव घेऊन मृतदेह ताब्यात घेत शवविच्छेदनासाठी भोर येथील उपविभागीय रुग्णालयात पाठविला आहे.तूषारच्या मृत्यूमध्ये घातपात झाल्याचा संशय व्यक्त केला जात असून भोर पोलिसांनी मद्यपान करणाऱ्या इतर दोघांनाही ताब्यात घेतले आहे.तुषारच्या मृतदेहावर कुठेही जखमा नसल्याचे प्राथमिक परिस्थितीत दिसून येत असल्याचे भोर पोलिसांनी सांगितले.पुढील तपास भोर पोलीस निरीक्षक अण्णा पवार यांच्या मार्गदर्शनाखाली हवालदार राहुल मखरे करीत आहेत.
