सोमेश्वर रिपोर्टर टीम-----
भोर : संतोष म्हस्के
भोर तालुक्याच्या चार दिवसांपासून जोरदार वाऱ्यासह मुसळधार पाऊस सुरू आहे.मुसळधार पावसात विसगाव खोऱ्यातील रामोसवाडी (हातनोशी) ता.भोर येथील शेतकरी पांडुरंग सदाशिव बोडरे त्यांच्या घराचे पत्रे बुधवार दि .२४ वाऱ्याने उडून गेले असून शेतकऱ्याचा घरसंसार मुसळधार पावसात भिजून लाखो रुपयांचे नुकसान झाले.
मुसळधार पावसामुळे तालुक्यात बहुतांशी ठिकाणी झाडे पडणे ,वीज वाहकतारांचे पोल पडणे, घराच्या भिंती कोसळणे ,घरांचे पत्रे उडून जाणे असे प्रकार घडत आहेत.पांडुरंग बोडरे यांच्या घरावरील पत्रे मुसळधार पाऊस सुरू असताना जोरदार वाऱ्याने उडवले असल्याने घरातील धान्य,जनावरांचा वाळका चारा,कपडे लत्ता तसेच इतर संसार उपयोगी वस्तू पूर्णता भिजून जाऊन नुकसान झाले आहे.प्रशासनाने तात्काळ घडलेल्या घटनेचा पंचनामा करून संबंधित शेतकऱ्याला नुकसान भरपाई द्यावी अशी मागणी निसगाव खोऱ्यातील नागरिकांकडून होत आहे.
