सोमेश्वर रिपोर्टर टीम-----
वेल्हे : मिनल कांबळे
उपराष्ट्रपती जगदीप धनखड यांच्या हस्ते वेल्हे आयटीआय मध्ये संविधान मंदिराचे ऑनलाइन उद्घाटन करण्यात आल्याची माहिती औद्योगिक प्रशिक्षण संस्था वेल्हाच्या प्राचार्य रश्मी बंगाळे यांनी दिली.
याबाबत अधिक माहिती देताना प्राचार्य रश्मी बंगाळे म्हणाल्या की महाराष्ट्र शासनाच्या कौशल्य व रोजगार उद्योजकता व नाविन्यतां विभाग व्यवसाय शिक्षण व प्रशिक्षण संचालय आणि औद्योगिक प्रशिक्षण संस्था वेल्हे यांच्या संयुक्त विद्यमाने संविधान मंदिराचे ऑनलाईन पद्धतीने उद्घाटन करण्यात आले. या कार्यक्रमानिमित्त भारतीय संविधान या विषयावर प्राध्यापक राजेंद्र रणखांबे यांचे व्याख्यान आयोजित करण्यात आले होते. तर विद्यार्थ्यांसाठी वकृत्व स्पर्धा निबंध स्पर्धा अशा विविध स्पर्धांचे आयोजन करण्यात आले होते. उपराष्ट्रपती जगदीप धनखड यांच्या हस्ते येथील संविधान मंदिराचे उद्घाटन ऑनलाईन पद्धतीने करण्यात आले यावेळी भारतीय जनता पार्टी वेल्हे तालुका अध्यक्ष आनंद देशमाने ग्रामीण रुग्णालय वेल्हे येथील वैद्यकीय अधिकारी चंद्रकांत भोईटे, प्राचार्य रश्मी बंगाळे, पीडिलाईट इंडस्ट्रीज चे प्रशांत कांबळे , हिरपोडी चे सरपंच सोपान सुतार, शंकर कोडीतकर व चव्हाण एस आर , लोहोकरे ए एम, इंगवले, घोरपडे कर्मचारी उपस्थित होते.
