सोमेश्वर रिपोर्टर टीम-----
लोणंद : प्रशांत ढावरे
आळजापूर ता. फलटण गावच्या हद्दीत फलटण-सातारा रोडच्याकडेला असलेल्या श्रीनाथ हॉटेलमध्ये स्वतःच्या आर्थिक फायद्याकरीता १५ हजार रुपये किंमतीची बिगर परवाना देशी दारू ठेवली. याप्रकरणी चंद्रकांत धनाजी माने रा. साखरवाडी ता. फलटण व पोलीस पाटील शंकर मुगुटराव नलवडे रा. आळजापूर ता. फलटण यांच्यावर लोणंद पोलीस स्टेशनमध्ये गुन्हा दाखल करण्यात आला आहे.
याबाबत लोणंद पोलीस स्टेशनमधुन मिळालेली आधिक माहिती अशी की, अळजापूर ता. फलटण गावच्या हद्दीत फलटण-सातारा रोडच्याकडेला असेलेल्या श्रीनाथ हॉटेलमध्ये चंद्रकांत धनाजी माने रा. साखरवाडी ता. फलटण व शंकर मुगुटराव नलवडे रा. आळजापूर ता.
हे स्वतःच्या आर्थिक फायद्यासाठी १५ हजार रुपये किंमतीची बेकायदा बिगर परवाना दारु विक्री करत असताना मिळून आल्याप्रकरणी त्यांच्यावर गुन्हा दाखल करण्यात आला आहे. या घटनेची फिर्याद संभाजी प्रकाश जाधव यांनी लोणंद पोलीस स्टेशनमध्ये दिली आहे.
आळजापूर येथील नुकत्याच झालेल्या ग्रामसभेमध्ये मी दारु पिणार नाही, कोणाला पाजणार नाही, अन कोणाला आळजापूर हद्दीत दारु विकू देणार नाही, अशी गावच्या मंदिरासमोर अनेकांनी शपथ घेतली होती. याबाबतचे व्हीडीओ सर्वत्र प्रसारीत झाल्यानंतरही आळजापुर हद्दीत दारु विकली जात असल्यामुळे पोलिसांनी याबाबतची खात्री करुन ही कारवाई केली. या कारवाईमुळे ग्रामस्थांमधून समाधान व्यक्त करण्यात येत आहे.
