Baramati Breaking l निंबुत येथील श्री गणेश पतसंस्थेत १ कोटी २२ लाखांचा अपहार : दोघांवर गुन्हा दाखल

Admin
सोमेश्वर रिपोर्टर टीम------
सोमेश्वरनगर : प्रतिनिधी
निंबुत ता. बारामती येथील श्री गणेश ग्रामीण बिगर शेती सहकारी पतसंस्थेत तब्बल १ कोटी २२ लाख २९ हजार ८०५ रुपयांच्या अपहार प्रकरणी संस्थेचे सचिव व लेखनिक यांच्यावर वडगाव निंबाळकर पोलिसात गुन्हा दाखल करण्यात आला आहे. 
           याबाबत लेखापरीक्षक
किरण ज्ञानदेव मोरे, रा. पारगाव (सालू-मालू) ता.दौंड जि.पुणे यांनी दिलेल्या फिर्यादीवरून पोलिसांनी संस्था सचिव सतिश वसंतराव काकडे रा. निरा, पुरंदर, जि. पुणे व लेखनिक निलेश नरहरी कुलकर्णी निरा, ता. पुरंदर, जि.पुणे, यांच्यावर गुन्हा दाखल करण्यात आला आहे. 
          पोलिसांनी दिलेल्या माहितीनुसार,  निंबुत श्री गणेश ग्रामीण बिगर शेती सहकारी पथसंस्था निंबुत ता बारामती या संस्थेत दि. दि.१ एप्रिल २०२० ते ३१ मार्च २०२३ या कालावधीत  संस्थेचे सचिव सतिश वसंतराव काकडे  व लेखनिक निलेश नरहरी कुलकर्णी  यांनी त्यांचे पदाचा दुरुपयोग करुन सदर पथसंस्थे मध्ये सभासदांची  १ कोटी २२ लाख २९ हजार ८०५ रुपये जमा केली असताना सुद्धा ती रक्कम सचिव व लेखनिक यांनी त्यांच्या संस्थेची बँक ,बँक आँफ महाराष्ट्र तसेच पुणे जिल्हा मध्यवर्ती सहकारी बँक शाखा निरा येथे सदर रक्कमेचा बँकेत भरणा न करता दप्तरी दिशा भुल करणारे खोटे व बनावट व्यवहार नोंदी जानीवपुर्वक करुन खोटे जमा खर्च नोंदवुन संस्था व नमुद संस्था सभासद त्यांची फसवनुक व विश्वास घात करुन संस्थेचे १ कोटी २२ लाख २९ हजार ८०५ रुपये रक्कमेचा स्वत:च्या फायद्यासाठी गैरव्यवहार करुन अपहार केला आहे.
To Top