सोमेश्वर रिपोर्टर टीम-----
भोर : संतोष म्हस्के
भोर तालुक्यातील भाटघर धरण परिसराचा विकास हाच ध्यास मनी धरून मळे -भुतोंडे,संगमनेर - जोगवडी भागात कोट्यावधी रुपयांनी विकास कामे झालेली आहेत.विकास कामांच्या माध्यमातून जनता पाठीशी उभी असल्याचे प्रतिपादन भोर विधानसभा महाविकास आघाडीचे उमेदवार आमदार संग्राम थोपटे यांनी गाव भेट दौऱ्यावेळी नागरिकांशी संवाद साधताना केले.
यावेळी ऐतिहासिक वारसा लाभलेल्या भूतोंडे येथील सेनापती येसाजी कंक स्मारकास अभिवादन करून दौऱ्याची सुरुवात करण्यात आली. थोपटे पुढे म्हणाले भूतोंडे व लव्हेरी- माजगाव येथे प्राथमिक आरोग्य सेवा केंद्राची उभारणी करून आरोग्य सेवा उपलब्ध करता आली.भाटघर धरण प्रकल्पग्रस्त समितीच्या माध्यमातून धरणग्रस्तांना खापर पंतू पर्यंत प्रकल्पग्रस्त दाखले मिळवून देण्यात आले.याचा शासकीय सेवेत भरतीसाठी अनेकांना लाभ झाला.१८ नागरी सुविधा अंतर्गत कोट्यावधीचा निधी उपलब्ध करून गावागावतील सभामंडप, रस्ते काँक्रिटिकारण, स्मशानभूमी व या भागातील दळणवळणाच्या दृष्टीने दोन्ही तिर जोडण्यासाठी नवीन पुलाची मागणी केली आहे.तसेच महत्त्वाचा असलेला रस्ता संगमनेर-माळवाडी-हर्णस- जोगवडी-मळे-भुतोंडे या रस्त्याचे काम तब्ब्ल २४ कोटी निधी उपलब्ध करून मार्गी लावता आले असल्याचे त्यांनी सांगितले.
यावेळी मानसिंग धुमाळ, रवींद्र बांदल, माऊली शिंदे, बाळासाहेब थोपटे, विठ्ठल वरखडे, विठ्ठल आवाळे, काळूराम मळेकर, वसंत वरखडे, सुवर्णा मळेकर, अंकुश खंडाळे, सागर सुके यांच्यासह महाविकास आघाडीचे सर्व पदाधिकारी, कार्यकर्ते यांच्यासह ग्रामस्थ महिला भगिनी व तरुण वर्ग बहुसंख्येने उपस्थित होते.
