सोमेश्वर रिपोर्टर टीम------
भोर : प्रतिनिधी
मराठी पत्रकार परिषद मुंबई वर्धापन दिनानिमित्त पत्रकार आरोग्य दिन साजरा केला जातो.या पार्श्वभूमीवर भोर येथे पत्रकार संघ भोर च्या वतीने आरोग्य शिबिर घेण्यात आले.शिबिरात १० ते १५ पत्रकार व त्यांच्या कुटुंबीयांच्या आरोग्याची तपासणी केली गेली.
पत्रकार यांची रक्तदाब ,रक्त शर्करा, ईसीजी आणि इतर आरोग्याच्या तपासण्या केल्या गेल्या.यावेळी आनंद क्लिनिकचे डॉ.आनंद कंक यांनी पत्रकार यांना तान तणावामुळे होणारे आजार यावर नियमित व्यायाम करून कशी काळजी घ्यावी याचे मार्गदर्शन केले.तर रोटरी क्लब ऑफ भोर-राजगडचे माजी अध्यक्ष डॉ.आनंद कंक यांनी पत्रकार बंधूंना नुकतेच प्रकाशित झालेले युद्ध नको बुद्ध हवा हा काव्यसंग्रह भेट दिला.मराठी पत्रकार परिषदेचे मुख्य विश्वस्त एस .एम. देशमुख, विश्वस्त किरण नाईक, विश्वस्त शरद पाबळे, अध्यक्ष मिलिंद अष्टीवकर, कार्याध्यक्ष शिवराज काटकर, सरचिटणीस सुरेश नाईकवाडे, कोषाध्यक्ष हाजी मन्सूरभाई शेख,राज्य प्रसिध्दीप्रमूख संदीप कुलकर्णी तसेच पुणे जिल्हा अध्यक्ष सुनील लोणकर यांच्या मार्गदर्शनाखाली आरोग्य शिबिर राबविण्यात आले.यावेळी पुणे जिल्हा पत्रकार संघाचे उपाध्यक्ष संतोष म्हस्के,सदस्य दत्तात्रय बांदल ,पत्रकार संघ भोरचे अध्यक्ष पुरुषोत्तम मुसळे,उपाध्यक्ष चंद्रकांत जाधव, सोशल मीडिया अध्यक्ष कुंदन झांजले, उपाध्यक्ष दीपक पारठे ,विक्रम शिंदे,रुपेश जाधव ,ज्ञानेश्वर जेधे, महेश उभे आदींसह पत्रकार उपस्थित होते.
