सोमेश्वर रिपोर्टर टीम-----
शिरूर : प्रतिनिधी
पुणे जिल्ह्यातील शिरूर-श्रीगोंदा तालुक्याच्या सीमेवर निर्घण खून झाला आहे. यामध्ये एका तरुणाचे शीर धडा वेगळे, दोन हात, एक पाय तोडले. तर एक पाय अर्धवट तोडलेला मृतदेह आळढून आल्याने शिरूर -श्रींगोदा तालुक्यात मोठी खळबळ उडाली आहे.
याबाबत सविस्तर माहीती अशी की, शिरूर तालुका व श्रीगोंदा तालुक्याच्या शिवेवर दाणेवाडी ता. श्रीगोंदा या ठिकाणी 18 ते 22 वयाच्या अनोळखी तरुणाचा मृतदेह विहिरी मध्ये आढळून आला आहे. या मृत्यू देहाचे शीर, दोन हात, व एक पाय नसल्याचे दिसून आले आहे. तर एक पाय कापण्याचा प्रयत्न केला असल्याच्या खुणाही आढळून आल्या आहे. हा मृतदेह शिरूर येथून दाणेवाडी ता. श्रीगोंदा येथील शिरूर येथे शिक्षण घेणाऱ्या तरुणाचा असल्याचा संशय त्यांच्या नातेवाईकांनी व्यक्त केला आहे.
मृतदेहाचे शीर दोन्ही हात व पाय अद्याप सापडलेला नाही. नक्की हा मृत्यू देह कोणाचा याबाबत शंका कुशंका सुरू असली तरी दानेवाडी ता . श्रीगोंदा येथील माऊली सतिश गव्हाणे हा 19 वर्षीय महाविद्यालयीन तरुण ७ मार्च २५ पासून बेपत्ता असल्याचे त्याचे चुलते परशुराम गव्हाणे यांनी सांगितले. याबाबतची मिसिंगची फिर्याद त्याचा भाऊ अविनाश सतीश गव्हाणे यांनी शिरूर पोलीस स्टेशन येथे दिली आहे.
परंतु हा मृत्यू देह नक्की त्याचा का आणखी कोणाचा याबाबत आज तरी शंका आहे. शिरूर पोलीस स्टेशन येथे आज बेपत्ता तरुणाचे कुटुंबीय व नातेवाईक यांनी शिरूर पोलीस स्टेशनचे पोलीस निरीक्षक संदेश केंजळे यांची भेट घेतली असून, दाणेवाडी येथे सापडलेला मृत्यू देह हा त्यांच्यात मुलाचा असू शकतो परंतु मृतदेहाचे शीर, दोन्ही हात, उजवा एक पाय नसलेला, डावा पाय अर्धा तुटलेला अवस्थेत सापडल्याने कुटुंबही द्विधा मनस्थिती मध्ये आहे.
-------------------------
बेपत्ता बाबत चौकशी सुरू असून सीसी टीव्ही कॅमेऱ्याचे फुटेज जमा करण्याचे काम सुरू आहे. दाणेवाडी येथील मृतदेह बाबत माहिती गोळा करण्याचे काम आहे सुरू असून, शिरूर पोलीस स्टेशन, पुणे ग्रामीण गुन्हे अन्वेषण विभाग, श्रीगोंदा पोलीस, अहिल्यानगर गुन्हे अन्वेषण विभागाची पथके तपासासाठी रवाना झाली आहे.
संदेश केंजळे, पोलीस निरीक्षक शिरूर
