सोमेश्वर रिपोर्टर टीम------
बारामती : प्रतिनिधी
बारामतीच्या भिगवन रस्त्यावरील बँक ऑफ बडोदा या बँकेत काल रात्री उशिरा काम करत असलेल्या बँकेचे वरिष्ठ व्यवस्थापक शिवशंकर मित्र यांनी गळफास घेऊन आत्महत्या केली. बारामतीतील बँकेच्या शाखेतच आत्महत्या करण्याचा असा पहिलाच प्रकार असल्याने बारामतीत खळबळ उडाली.
शिवशंकर मित्र हे उत्तर प्रदेशातील प्रयागराज येथील असून ते गेली अनेक वर्ष बँका बडोदा मध्ये काम करत आहेत मात्र वरिष्ठांचा मोठा दबाव असल्याने गेल्या काही दिवसांपासून शिवशंकर मित्र हे तणावात होते त्यांनी या संदर्भात घरच्यांशी चर्चा केल्यानंतर स्वच्छ निवृत्ती घेण्याचा निर्णय घेतला होता पाच-सहा दिवसापूर्वीच त्यांनी बँकेकडे स्वेच्छा निवृत्तीचा अर्ज केला होता मात्र त्याला कुठलाही प्रतिसाद मिळाला नाही त्यांना ही नोकरी सोडायची होती ते अनेक दिवस वरिष्ठांना अतिरिक्त दबाव टाकू नका असे म्हणत होते मात्र कोणीच ऐकले नाही आणि त्यामुळे काल रात्री उशिरा त्यांनी सुसाईड नोट लिहीत आत्महत्या केली यामध्ये त्यांनी बँकेच्या अतिरिक्त दबावामुळे आपण आत्महत्या करत आहोत असे स्पष्ट केले असून आपल्या मृत्यूनंतर आपले डोळे दान करावेत अशी इच्छा व्यक्त केली आहे.
दरम्यान आपल्या मृत्यूनंतर बँकेने आपली इच्छा पूर्ण करावी. व कोणत्याही कर्मचाऱ्यावर अतिरिक्त दबाव टाकू नये, प्रत्येक कर्मचारी आपल्या परीने शंभर टक्के योगदान देत असतो. त्यामुळे बँकेने अशा प्रकारचा कोणताही दबाव टाकू नये मी माझी आत्महत्या पूर्ण इच्छेने व जबाबदारीने करत आहे.याला माझ्या कुटुंबाला जबाबदार धरू नये. केवळ आणि केवळ बँकेच्या अतिरिक्त दबावामुळेच मी आत्महत्या करत आहे. असे त्यांनी स्पष्ट लिहिले आहे.
