सोमेश्वर रिपोर्टर टीम-----
बारामती : प्रतिनिधी
बारामतीतील शहरातील खंडोबानगर चौकात रविवार
(दि. २७) रोजी सकाळी साडेअकरा वाजण्याच्या दरम्यान भीषण अपघात झाला. या अपघातात दुचाकी डंपर खाली गेल्याने दुचाकी चालकाचा जागीच मृत्यू झाला तर दोन चिमुकल्या मुली गंभीर जखमी झाल्या.
त्यांना रुग्णालयात दाखल केले असता उपचारादरम्यान त्यांचाही मृत्यू झाला आहे. गुरुवारी सकाळी साडेअकरा वाजण्याच्या सुमारास हा अपघात घडला. अत्यंत वर्दळीच्या ठिकाणी डंपरच्या चाकाखाली दुचाकी सापडल्याने तिघेही चेंगरले गेले. यात दुचाकी चालकाचा जागीच मृत्यू झाला. त्यांची ओळख अद्याप पटलेली नाही. (एम एच १६ सी ए ०२१२) या डंपर खाली ही गाडी चिरडली व अपघात झाला.
ओंकार आचार्य असे या अपघातात मृत्युमुखी पडलेल्या चालकाचे नाव असून, तो मूळचा इंदापूर तालुक्यातील सणसर येथील रहिवासी असून सध्या बारामतीतील मोरगाव रोड येथे तो वास्तव्यास होता. या घटनेत चार वर्षाची मधुरा ओंकार आचार्य व दहा वर्षाच्या सई ओंकार आचार्य या दोन्ही मुलींचाही मृत्यू झाला. या घटनेने संपूर्ण बारामती हळहळली.
